টকিঅ’/নতুন দিল্লী, ২০ নৱেম্বৰ (হি.স.)। টকিঅ’ত অনুষ্ঠিত ২৫ সংখ্যক গ্ৰীষ্মকালীন বধিৰ অলিম্পিকত ভাৰতৰ তাৰকা ৰাইফল শ্বুটাৰ মহিত সন্ধুৱে ৫০ মিটাৰ ৰাইফল প্ৰৱণ ইভেণ্টত ৰূপৰ পদক লাভ কৰি এক তাৰকাময় প্ৰদৰ্শন আগবঢ়ায়। এই প্ৰতিযোগিতাত তেওঁৰ তৃতীয়টো পদক। অৰ্হতাত মহিতে বিশ্ব বধিৰ অভিলেখ ভংগ কৰি ফাইনেলত ২৪৬.১ স্ক’ৰেৰে ৰূপৰ পদক দখল কৰে। চেকিয়াৰ এলিস্কা শ্বোবোডোভাই ২৪৭.২ পইণ্টেৰে সোণৰ পদক লাভ কৰাৰ বিপৰীতে হাংগেৰীৰ মিৰা ঝছাজছানা বিয়াট’ভস্কিয়ে ২২৫.০ পইণ্টেৰে ব্ৰঞ্জৰ পদক লাভ কৰে। ফাইনেলত শ্বুট অফৰ অন্তত অষ্টম স্থান দখল কৰে ভাৰতৰ নাটাছা যোশীয়ে।

ফাইনেলত প্ৰথম ১৪টা শ্বটৰ পিছত চতুৰ্থ স্থানত আছিল মহিতে। পৰৱৰ্তী দুটা শ্বটত ইউক্ৰেইনৰ ভায়োলেটা লাইকোভাক অতিক্ৰম কৰি তৃতীয় স্থান দখল কৰি ২০টা শ্বটত সেই স্থান দখল কৰে। ইয়াৰ পিছতে ৯.৮ আৰু ১০.২ স্ক’ৰেৰে অগ্ৰগতি লাভ কৰাৰ বিপৰীতে হাংগেৰীৰ শ্বুটাৰগৰাকীৰ ৯.৪ আৰু ৯.৮ স্ক’ৰেৰে মহিতে ৰূপৰ পদক লাভ কৰে। অন্তিম দুটা শ্বটত মহিতে ১০.০ আৰু ১০.৭ ৰান সংগ্ৰহ কৰিছিল যদিও চেক শ্বুটাৰ শ্বোবোডোভাৰ ধাৰাবাহিক ১০ ৰান অতিক্ৰম কৰিব নোৱাৰিলে।

ইয়াৰ পূৰ্বে অৰ্হতাত মহিতে ৬১৯.৭ পইণ্টেৰে এক নতুন বিশ্ব বধিৰ অভিলেখ গঢ়িছিল। ভাৰতৰ নাটাছা যোশীয়েও ভাল প্ৰদৰ্শন কৰি ৬১১.৬ স্ক’ৰেৰে সপ্তম স্থান দখল কৰি ফাইনেলত প্ৰৱেশ কৰে।

টকিঅ’ বধিৰ অলিম্পিকত ভাৰতীয় শ্বুটিং দলৰ মুঠ পদকৰ সংখ্যা এতিয়া ১২টা হৈছেগৈ, ইয়াৰে তিনিটা পদক জয় কৰি মহিত সন্ধুৱে দেশলৈ গৌৰৱ কঢ়িয়াই আনিছে।

हिन्दुस्थान समाचार / অৰৱিন্দ