নতুন দিল্লী, ০২ নৱেম্বৰ (হি.স.)। ঘৰুৱা শ্বেয়াৰ বজাৰৰ চাৰি সপ্তাহৰ উত্থান চলিত সপ্তাহতে বন্ধ হৈ পৰে। বেঞ্চমাৰ্ক সূচকাংক চেন্সেক্স আৰু নিফ্টিয়ে ঋণাত্মক নোটত সপ্তাহটোৰ অন্ত পেলায়। ঘৰুৱা আৰু বিশ্ব দুয়োটা বজাৰৰ পৰা অহা নেতিবাচক খবৰে ঘৰুৱা শ্বেয়াৰ বজাৰত চাৰি সপ্তাহৰ উত্থান বন্ধ কৰি দিছে বুলি ধাৰণা কৰা হৈছে।
বিগত সপ্তাহৰ ব্যৱসায়ত বিএছই চেন্সেক্সৰ মূল্য ৮৩,৯৩৮.৭১ পইণ্টত বন্ধ হয়, যিটো সাপ্তাহিক ভিত্তিত ২৭৩.১৭ পইণ্ট হ্ৰাস পায়। একেদৰে এন এছ ই নিফটিৰ মূল্য সাপ্তাহিক ভিত্তিত ১৫৫.৭৫ পইণ্ট হ্ৰাস পাই ২৫,৭২২.১০ পইণ্টত বন্ধ হয়।
বজাৰ বিশেষজ্ঞসকলৰ মতে, সুতৰ হাৰৰ ক্ষেত্ৰত আমেৰিকাৰ ফেডাৰেল ৰিজাৰ্ভৰ অনিশ্চিত স্থিতি আৰু তাৰ পিছত হাৰ কৰ্তনে বিশ্বজুৰি শ্বেয়াৰ বজাৰত নেতিবাচক প্ৰভাৱ পেলাইছিল। ইয়াৰ উপৰিও মিশ্ৰিত কৰ্পৰেট আয়, পি এছ ইউ বেংকত প্ৰত্যক্ষ বিদেশী বিনিয়োগৰ সীমা সম্ভাৱ্য বৃদ্ধিৰ প্ৰতিবেদন, আৰু বিদেশী প্ৰতিষ্ঠানিক বিনিয়োগকাৰীৰ বিক্ৰী আদিয়েও ঘৰুৱা শ্বেয়াৰ বজাৰত প্ৰভাৱ পেলাইছিল। আমেৰিকা আৰু চীনৰ মাজত হোৱা বাণিজ্যিক চুক্তিৰ সন্দৰ্ভত হোৱা পৰিঘটনাৰ দৰে ইতিবাচক খবৰেও যোৱা সপ্তাহৰ ব্যৱসায়ৰ সময়ত শ্বেয়াৰ বজাৰত প্ৰভাৱ পেলাইছিল। কিন্তু যোৱা সপ্তাহৰ ব্যৱসায়ৰ সময়ত শ্বেয়াৰ বজাৰত নেতিবাচক খবৰে অধিক প্ৰভাৱ পেলাইছিল।
সোমবাৰৰ পৰা শুকুৰবাৰলৈ ব্যৱসায়ৰ অন্তত বিএছই লাৰ্জ কেপ সূচকাংক একেদৰে বন্ধ হৈ পৰে। ভাৰতীয় তেল নিগম, ভাৰত পেট্ৰলিয়াম নিগম, আদানী গ্ৰীণ এনাৰ্জী, আইডিবিআই বেংক, হুণ্ডাই মটৰ ইণ্ডিয়া, আৰু কেনাৰা বেংকৰ শ্বেয়াৰ শীৰ্ষ লাভৰ ভিতৰত আছিল। ইফালে, বাজাজ হোল্ডিংছ এণ্ড ইনভেষ্টমেণ্টছ, ভোডাফোন আইডিয়া, এছ বি আই কাৰ্ডছ এণ্ড পেমেণ্ট চাৰ্ভিচেছ, ডাঃ ৰেড্ডীজ লেবৰেটৰীজ, আদানি পাৱাৰ, চিপ্লাৰ শ্বেয়াৰ শীৰ্ষ হেৰুৱাৰ ভিতৰত অন্যতম।
যোৱা সপ্তাহৰ ব্যৱসায়ৰ সময়ত বিএছই মিড কেপ সূচকাংক সাপ্তাহিক ভিত্তিত ১% বৃদ্ধিৰে বন্ধ হয়। হিন্দুস্তান পেট্ৰলিয়াম কৰ্প’ৰেশ্যন, আদিত্য বিৰলা কেপিটেল, ভাৰত হেভি ইলেক্ট্ৰিকেলছ, ষ্টীল অথৰিটি অৱ ইণ্ডিয়া, ইনভেঞ্চাৰছ ন’লেজ ছলিউচনছ, চুজলন এনাৰ্জী, পিবি ফিনটেক, আৰু ইউপিএল আদি সূচকাংকত শীৰ্ষস্থান দখল কৰে। ইফালে, ৩৬০ ৱান ৱাম লিমিটেড, জিন্দাল ষ্টেইনলেছ, মোটিলাল অছৱাল ফাইনেন্সিয়েল চাৰ্ভিচেছ, বন্ধন বেংক, বেদান্ত ফেশ্বনছ, হেক্সাৱেৰ টেকন’লজিছ, আৰু নিপ্পন লাইফ ইণ্ডিয়া এচেট মেনেজমেণ্ট আদি শীৰ্ষ লোকচানৰ ভিতৰত আছে।
শুকুৰবাৰে সমাপ্ত হোৱা সপ্তাহটোৰ বাবে বিএছই স্মলকেপ সূচকাংকৰ সাপ্তাহিক ০.৭০ শতাংশ বৃদ্ধিৰে বন্ধ হয়। লেন্সাৰ কণ্টেইনাৰ লাইনছ, হাটছুন এগ্ৰ’ প্ৰডাক্টছ, ব্লু ক্লাউড, চেন্নাই পেট্ৰলিয়াম কৰ্প’ৰেশ্যন, চফটেক ছলিউচনছ, স্পেকট্ৰম ইলেক্ট্ৰিকেল ইণ্ডাষ্ট্ৰীজ, ফাইভ ষ্টাৰ বিজনেছ ফাইনেন্স, মাফিন গ্ৰীণ ফাইনেন্স, আৰু টিডি পাৱাৰ চিষ্টেমছৰ শ্বেয়াৰত সাপ্তাহিক ভিত্তিত ২০ৰ পৰা ৫৪ শতাংশৰ ভিতৰত বৃদ্ধি পাইছে। আনহাতে, জিআইটিএফ ইনফ্ৰা-লজিষ্টিকছ, খাইটান কেমিকেলছ এণ্ড ফাৰ্টিলাইজাৰছ, ষ্টেলিয়ন ইণ্ডিয়া ফ্ল’ৰ’কেমিকেলছ, কোৱাড্ৰেণ্ট ফিউচাৰ টেক, নলৱা সন্স ইনভেষ্টমেণ্ট, এল ই ট্ৰেভেল’জ টেকন’লজি, কোহেন্স লাইফ চাইন্সেছ, ফিনো পেমেণ্টছ বেংক, জিএফএল, সাধনা নাইট্ৰ’কেম, আৰু ডাইনামিক কেবলছৰ শ্বেয়াৰ সাপ্তাহিক ভিত্তিত ১০ৰ পৰা ১৯ শতাংশ হ্ৰাস পাইছে।
যোৱা সপ্তাহৰ ব্যৱসায়ৰ সময়ছোৱাত খণ্ডগত প্ৰদৰ্শনৰ সন্দৰ্ভত নিফ্টি পি এছ ইউ বেংকৰ সূচকাংক সাপ্তাহিক ভিত্তিত ৪.৭ শতাংশ হ্ৰাস পাইছে। একেদৰে নিফটি অইল এণ্ড গেছ সূচকাংক সাপ্তাহিক ভিত্তিত ৩ শতাংশ হ্ৰাস পোৱাৰ বিপৰীতে মেটাল সূচকাংক সাপ্তাহিক ভিত্তিত ২.৫ শতাংশ হ্ৰাস পাইছে। তদুপৰি নিফটি হেল্থকেয়াৰ, অটোম’বাইল, আৰু প্ৰাইভেট বেংকৰ সূচকাংকত অন্তৰ্ভুক্ত ষ্টকসমূহো সাপ্তাহিক ভিত্তিত ১ শতাংশ হ্ৰাস পাইছে। আনহাতে, নিফটি এনাৰ্জী সূচকাংক সাপ্তাহিক ভিত্তিত ১.৮ শতাংশ বৃদ্ধিৰে বন্ধ হ’বলৈ সক্ষম হয়।
বিদেশী প্ৰতিষ্ঠানিক বিনিয়োগকাৰী (এফ আই আই) আৰু ঘৰুৱা প্ৰতিষ্ঠানিক বিনিয়োগকাৰী (ডি আই আই)ৰ ব্যৱসায়ৰ সন্দৰ্ভত বিগত সপ্তাহৰ ভিতৰত বিদেশী প্ৰতিষ্ঠানিক বিনিয়োগকাৰীয়ে নিকা ক্ৰেতাৰ ভূমিকা এৰি পুনৰবাৰ নিকা বিক্ৰেতাৰ ভূমিকালৈ ঘূৰি অহা দেখা গৈছে। সোমবাৰৰ পৰা শুকুৰবাৰলৈকে ব্যৱসায়ৰ সময়ত বিদেশী বিনিয়োগকাৰীয়ে ঘৰুৱা শ্বেয়াৰ বজাৰত ২,১০২ কোটি ₹ৰ ইকুইটি বিক্ৰী কৰে। আনহাতে, ঘৰুৱা প্ৰতিষ্ঠানিক বিনিয়োগকাৰীয়ে একেৰাহে ২৮ সংখ্যক সপ্তাহ ধৰি শ্বেয়াৰ বজাৰত ক্ৰয় অব্যাহত ৰাখিছে। এই সপ্তাহৰ ব্যৱসায়ৰ সময়ত ঘৰুৱা প্ৰতিষ্ঠানিক বিনিয়োগকাৰীয়ে ১৮,৮০৪.২৬ কোটি টকাৰ ইকুইটি ক্ৰয় কৰে।
हिन्दुस्थान समाचार
