কামৰূপ, ০২ নৱেম্বৰ (হি.স.)। ৰঙিয়াত ইলোৰা বিজ্ঞান মঞ্চৰ উদ্যোগত পদযাত্ৰা।

অংগদান তথা দেহদান সম্পৰ্কে ৰাইজৰ মাজত সজাগতা সৃষ্টিৰ বাবে আজি ৰঙিয়াত বিশাল পদযাত্ৰা কৰে ৰঙিয়াৰ কেবাখনো বিদ্যালয়ৰ সহস্ৰাধিক ছাত্ৰ-ছাত্ৰীয়ে । গুৱাহাটী চিকিৎসা মহাবিদ্যালয় আৰু ৰটো ৰ উদ্যোগত আৰু ইলোৰা বিজ্ঞান মঞ্চৰ সহযোগত এই কাৰ্যসূচী ৰূপায়ণ কৰা হয় । আনহাতে অহা ৭,৮ আৰু ৯ নৱেম্বৰত তিনিদিনীয়াকৈ ৰঙিয়াত ইলোৰা বিজ্ঞান মঞ্চৰ ৰাজ্যিক অধিবেশন অনুষ্ঠিত হব । উল্লেখ্য যে বিগত ২০ বছৰে নিৰবিচ্ছিন্ন ভাবে অন্ধবিশ্বাস আৰু কুসংস্কাৰৰ বিৰুদ্ধে কাম কৰি আহিছে ইলোৰা বিজ্ঞান মঞ্চই । এই পদযাত্ৰা আনুষ্ঠানিকভাৱে উদ্বোধন কৰে বিশিষ্ট শিল্পী মানস ৰবীনে । অনুষ্ঠানটোত গুৱাহাটী চিকিৎসা মহাবিদ্যালয় উপধ্যক্ষ ডঃ জয়দেব শৰ্মা, মুকুল কলিতা সহ বহু কেইজন বিশিষ্ট ব্যক্তি উপস্থিত থাকে ।

হিন্দুস্থান সমাচাৰ / নিৰ্মলেন্দু