- অক্টোবৰ মাহত আমদানি ১৬.৬৩ শতাংশ বৃদ্ধি পাই ৭৬.০৬ বিলিয়ন ডলাৰ
নতুন দিল্লী, ১৭ নৱেম্বৰ (হি.স.)। অক্টোবৰ মাহত ভাৰতৰ ৰপ্তানি ১১.৮ শতাংশ হ্ৰাস পাই ৩৪.৩৮ বিলিয়ন ডলাৰ হয়। এই সময়ছোৱাত আমদানি ১৬.৬৩ শতাংশ বৃদ্ধি পাই ৭৬.০৬ বিলিয়ন ডলাৰ হৈছে, যাৰ ফলত দেশৰ বাণিজ্যিক ঘাটি ৪১.৬৮ বিলিয়ন ডলাৰ হৈছে।
সোমবাৰে বাণিজ্য আৰু উদ্যোগ মন্ত্ৰালয়ে তথ্য প্ৰকাশ কৰি কয় যে সোণ আৰু ৰূপৰ আমদানি বৃদ্ধিৰ ফলত মুঠ আমদানি জঁপিয়াই পৰিছে। যোৱা মাহত সোণৰ আমদানি ১৪.৭২ বিলিয়ন ডলাৰলৈ বৃদ্ধি পাইছে, যিটো বিগত বছৰৰ একে মাহত ৪.৯২ বিলিয়ন ডলাৰ আছিল। তথ্য অনুসৰি চলিত বিত্তীয় বৰ্ষ ২০২৫-২৬ৰ এপ্ৰিল-অক্টোবৰ সময়ছোৱাত ভাৰতৰ ৰপ্তানি ০.৬৩ শতাংশ সামান্য বৃদ্ধি পাই ২৫৪.২৫ বিলিয়ন ডলাৰ হৈছে। একে সময়ছোৱাত আমদানি ৬.৩৭ শতাংশ বৃদ্ধি পাই ৪৫১.০৮ বিলিয়ন ডলাৰ হৈছে।
বাণিজ্য সচিব ৰাজেশ আগৰৱালাই ইয়াত সাংবাদিকৰ আগত কয় যে যোৱা বছৰৰ একে সময়ছোৱাত ৬.৯ বিলিয়ন ডলাৰৰ বিপৰীতে অক্টোবৰ মাহত আমেৰিকালৈ দেশখনৰ ৰপ্তানি ৬.৩ বিলিয়ন ডলাৰলৈ হ্ৰাস পাইছে।
हिन्दुस्थान समाचार / অৰৱিন্দ
