ডিমাপুৰ, ১৫ নৱেম্বৰ (হি.স.)। কেন্দ্ৰীয় বিত্ত আৰু কৰ্পৰেট পৰিক্ৰমা মন্ত্ৰী নিৰ্মলা সীতাৰমণে কয় যে নাগালেণ্ডত কৰ্পৰেট বিনিয়োগৰ ক্ষেত্ৰত উল্লেখযোগ্য ইতিবাচক পৰিৱৰ্তন দেখা গৈছে। তিনিদিনীয়া নাগালেণ্ড ভ্ৰমণৰ অন্তিম দিন শনিবাৰে ডিমাপুৰৰ নাগালেণ্ড টুল ৰুম এণ্ড ট্ৰেইনিং চেণ্টাৰত কৃত্ৰিম বুদ্ধিমত্তা (এ আই) আৰু ভৱিষ্যত দক্ষতা উৎকৰ্ষতা কেন্দ্ৰ উদ্বোধন কৰাৰ পাছত তেওঁৰ ভাষণত এই মন্তব্য কৰে বিত্তমন্ত্ৰীগৰাকীয়ে।
সীতাৰমনে কয় যে এই নতুন যুগৰ উদাহৰণ দুটা মূল কাৰ্যসূচীৰ দ্বাৰা দিব পাৰি: অৰ্ধপৰিবাহী প্ৰযুক্তিৰ প্ৰশিক্ষণ প্ৰদানৰ বাবে কোহিমাৰ টাটা গ্ৰুপৰ সৈতে সহযোগিতা আৰু ডিমাপুৰৰ চাইয়েণ্ট ফাউণ্ডেশ্যনৰ সৈতে অংশীদাৰিত্ব কৰি উন্নত এআই-চালিত উৎপাদন আৰু থ্ৰীডি প্ৰিন্টিং প্ৰযুক্তিৰ প্ৰৱৰ্তন।
সীতাৰমনে উল্লেখ কৰে যে এই কাৰ্যসূচীসমূহৰ লক্ষ্য হৈছে নাগালেণ্ডৰ যুৱক-যুৱতীসকলক আধুনিক চাকৰিৰ বাবে প্ৰয়োজনীয় দক্ষতাৰে সজ্জিত কৰা, যাতে তেওঁলোকে সফল হ’ব পাৰে আৰু দেশৰ প্ৰযুক্তিগত বিকাশত অৰিহণা যোগাব পাৰে। কেন্দ্ৰীয় বিত্তমন্ত্ৰীগৰাকীয়ে উল্লেখ কৰে যে তেওঁৰ নাগালেণ্ড ভ্ৰমণ দেশৰ ১১২খন আকাংক্ষিত জিলাৰ অগ্ৰগতিৰ মূল্যায়ন আৰু চৰকাৰী গুৰুত্বপূৰ্ণ পদক্ষেপসমূহৰ সফল ৰূপায়ণ নিশ্চিত কৰাত মনোনিৱেশ কৰা।
তেওঁ লগতে কয় যে তেওঁৰ ভ্ৰমণৰ এটা উল্লেখযোগ্য অংশৰ ভিতৰত আছিল প্ৰধান বেংকৰ সহযোগত আয়োজন কৰা ঋণ বিতৰণ কাৰ্যসূচী, যাৰ লক্ষ্য আছিল বিত্তীয় অন্তৰ্ভুক্তিক প্ৰসাৰিত কৰা আৰু ঋণৰ সহজ সুবিধা প্ৰদান কৰা। সীতাৰমণে উল্লেখ কৰে যে এই ভ্ৰমণৰ প্ৰধান উদ্দেশ্য হৈছে এই কাৰ্যসূচীৰ প্ৰভাৱ মানুহৰ জীৱনত প্ৰত্যক্ষভাৱে প্ৰত্যক্ষ কৰা, বৰ্তমানৰ প্ৰত্যাহ্বানসমূহ চিনাক্ত কৰা আৰু দেশৰ প্ৰতিটো প্ৰান্তৰ সামগ্ৰিক উন্নয়নৰ প্ৰতি চৰকাৰৰ দায়বদ্ধতাক শক্তিশালী কৰা।
हिन्दुस्थान समाचार / অৰৱিন্দ
