ব্ৰাটিছলাভা, শ্লোভাকিয়া, ১০ নৱেম্বৰ (হি.স.)। শ্লোভাকিয়াত দেওবাৰে সন্ধিয়া দুখন ৰে’লৰ সংঘৰ্ষত কেইবা ডজন যাত্ৰী আহত হোৱাৰ খবৰ পোৱা গৈছে।
দেশৰ স্বৰাজ মন্ত্ৰী মাটুজ সুতাজ এষ্টকে এই তথ্য প্ৰদান কৰে। দুৰ্ঘটনাস্থলীত এষ্টকে জনোৱা মতে, ইতিমধ্যে স্থবিৰ হৈ থকা এখন ৰে’লৰ সৈতে পিছফালৰ পৰা আন এখন ৰে’লৰ সংঘৰ্ষত এই দুৰ্ঘটনা সংঘটিত হয়।
পিছত টেলিভিছনৰ চমু সংবাদমেলত তেওঁ কয় যে চহৰৰ পৰা ২০ কিলোমিটাৰ উত্তৰ-পূবে ৰাজধানী ব্ৰাটিছলাভা আৰু পেজিনকৰ মাজৰ “কৰিডৰ”ত এই দুৰ্ঘটনা সংঘটিত হৈছে।
ডজন ডজন লোক আহত হোৱাৰ লগতে ১১ জন লোকক চিকিৎসালয়লৈ লৈ যোৱা হৈছে বুলিও তেওঁ কয়। অৱশ্যে দুৰ্ঘটনাটোত কোনো ধৰণৰ মৃত্যু বা গুৰুতৰভাৱে আহত হোৱা বুলি তেওঁ অস্বীকাৰ কৰে।
ইফালে, ফেচবুকত প্ৰকাশ কৰা এক বিবৃতিত আৰক্ষীয়ে কয় যে, “প্ৰাথমিক তথ্য অনুসৰি ৰে’লৰ মাজত কোনো ধৰণৰ মুখামুখি সংঘৰ্ষ হোৱা নাছিল, কোনো ৰে’লও ৰেলপথৰ পৰা হোৱা নাছিল।”
কিন্তু এটা নিউজ ৱেবছাইটে এজন যাত্ৰীৰ উদ্ধৃতি দি কয় যে সংঘৰ্ষৰ সময়ত এটা ডাঙৰ বেং শব্দ শুনা গৈছিল।
ইয়াৰ পূৰ্বে ১৩ অক্টোবৰত পূব শ্লোভাকিয়াত দুখন ৰে’লৰ সংঘৰ্ষত ৯১ জন লোক আহত হৈছিল।
हिन्दुस्थान समाचार / অৰৱিন্দ
