- ই-কমাৰ্চ প্লেটফৰ্মত বাধ্যতামূলক 'উৎপত্তি দেশ' ফিল্টাৰৰ প্ৰস্তাৱ কেন্দ্ৰৰ

নতুন দিল্লী, ১০ নৱেম্বৰ (হি.স.)। গ্ৰাহক পৰিক্ৰমা বিভাগে এটা সংশোধনীৰ প্ৰস্তাৱ আগবঢ়াইছে যাতে ই-কমাৰ্চ প্লেটফৰ্মসমূহে অনলাইনত বিক্ৰী কৰা পেকেজড সামগ্ৰীৰ বাবে ‘উৎপত্তি দেশ’ৰ ওপৰত ভিত্তি কৰি অনুসন্ধানযোগ্য আৰু ছৰ্টেবল ফিল্টাৰ প্ৰদান কৰাটো বাধ্যতামূলক।

গ্ৰাহক পৰিক্ৰমা, খাদ্য আৰু ৰাজহুৱা বিতৰণ মন্ত্ৰালয়ে সোমবাৰে এক বিবৃতিত কয় যে কেন্দ্ৰীয় গ্ৰাহক পৰিক্ৰমা বিভাগে আইনী পৰিমাপ (পেকেজড সামগ্ৰী) (দ্বিতীয়) সংশোধনী নিয়ম, ২০২৫ৰ খচৰা প্ৰকাশ কৰিছে।এই সংশোধনীৰ জৰিয়তে গ্ৰাহকে অনলাইন বজাৰ কৰাৰ সময়ত সামগ্ৰীৰ উৎপত্তি সহজে চিনাক্ত কৰাত সহায় কৰিব। ডিজিটেল বজাৰত স্বচ্ছতা বৃদ্ধিৰ বাবে এই পদক্ষেপ গ্ৰহণ কৰা হৈছে।

মন্ত্ৰালয়ে কয় যে সংশোধনী নিয়মৰ খচৰাসমূহ বিভাগটোৰ ৱেবছাইটত জনমতৰ বাবে প্ৰকাশ কৰা হৈছে, আৰু ২০২৫ চনৰ ২২ নৱেম্বৰৰ ভিতৰত অংশীদাৰসকলৰ পৰা মন্তব্য আমন্ত্ৰণ জনোৱা হৈছে, dirwm-ca[at]nic[dot]in, ashutosh.agarwal13[at]nic[dot]in, বা mk.naik72[at]gov[dot]in ত। ইয়াৰ খচৰা অধিসূচনা মন্ত্ৰালয়ৰ ৱেবছাইটত চাব পাৰিব। এই সংশোধনীয়ে ‘মেড ইন ইণ্ডিয়া’ সামগ্ৰীসমূহ সহজে আৱিষ্কাৰ কৰিব পৰা কৰি ‘আত্মনিৰ্ভৰ ভাৰত’ আৰু ‘ভ’কেল ফৰ লোকেল’ পদক্ষেপক পোনপটীয়াকৈ সমৰ্থন কৰে।

গ্ৰাহক পৰিক্ৰমা, খাদ্য আৰু ৰাজহুৱা বিতৰণ মন্ত্ৰালয়ৰ মতে, এই প্ৰস্তাৱিত সংশোধনী হৈছে ৰাষ্ট্ৰীয় অগ্ৰাধিকাৰৰ সৈতে মিল থকা আৰু ডিজিটেল বজাৰত গ্ৰাহকৰ আস্থা বৃদ্ধি কৰা স্বচ্ছ, গ্ৰাহক-বন্ধুত্বপূৰ্ণ, আৰু প্ৰতিযোগিতামূলক ই-কমাৰ্চ ব্যৱস্থা গঢ়ি তোলাৰ দিশত আন এক গুৰুত্বপূৰ্ণ পদক্ষেপ।

हिन्दुस्थान समाचार / অৰৱিন্দ