বাক্সা, ০৬ অক্টোবৰ (হি.স.)। বাক্সা জিলাৰ ভাৰত ভুটান সীমান্তত অব্যাহত হাতী মানুহৰ সংঘাট। আজি সোমবাৰে পুৱতি নিশা বাক্সাৰ বাগানপাৰা গেৰুৱাত বন্য হস্তীৰ আক্ৰমণত নিহত হয় এগৰাকী মহিলা । মহিলা গৰাকীৰ নাম অঞ্জলি বড়ো বুলি জানিব পৰা গৈছে ।

জানিব পৰামতে, আজি পুৱতি নিশা প্ৰায় ৪ মান বজাত শুই উঠি ঘৰৰ পিছপিনে যোৱাৰ লগে লগে বন্য হস্তীয়ে আক্ৰমণ কৰে মহিলা গৰাকীক। বন্যহস্তীয়ে মৰিয়াই মৰিয়াই হত্যা কৰে মহিলা গৰাকীক । ফলত থিতাতে নিহত হয় মহিলা গৰাকী। মৃত অঞ্জলি বড়োৰ বয়স প্ৰায় ৫০ বছৰ বুলি কোৱা হৈছে । অকল শৰীয়া মহিলা গৰাকী বন্যাহস্তীয়ে হত্যা কৰাৰ লগতে আন দুটা পৰিয়ালৰ ঘৰ ভঙা বুলি জানিব পৰা গৈছে।

---------------

হিন্দুস্থান সমাচাৰ / প্ৰকাশ ডেকা