বিলাসপুৰ, ০৬ অক্টোবৰ (হি.স.)। কংগ্ৰেছ নেতা হেমন্ত চন্দ্ৰকাৰে ইডি বিষয়াৰ আক্ৰমণৰ অভিযোগ উচ্চ ন্যায়ালয় পাইছেগৈ। ছত্তীশগড় উচ্চ ন্যায়ালয়ে সোমবাৰে মুখ্য ন্যায়াধীশ ৰমেশ কুমাৰ সিনহা আৰু ন্যায়াধীশ বিভু দত্ত গুৰুৰ বিচাৰপীঠৰ সন্মুখত শুনানি গ্ৰহণ কৰে। উচ্চ ন্যায়ালয়ে আবেদনকাৰীক ৰায়পুৰৰ দণ্ডাধীশৰ সন্মুখত নিজৰ গোচৰ দাখিল কৰিবলৈ নিৰ্দেশ দি আবেদন খাৰিজ কৰে।

হেমন্ত চন্দ্ৰকাৰক প্ৰতিনিধিত্ব কৰিছিল প্ৰাক্তন মহাধিবক্তা সতীশ চন্দ্ৰ ভাৰ্মা আৰু গগন তিৱাৰীয়ে। তেওঁলোকে আদালতক অৱগত কৰে যে আবেদনকাৰীক আক্ৰমণ কৰা হৈছে। আদালতে দণ্ডাধীশক আক্ৰমণ কৰা বিষয়াজনৰ বিৰুদ্ধে দণ্ডাধীশৰ ওচৰত আবেদন দাখিল কৰাৰ নিৰ্দেশ দিয়াৰ লগতে চিকিৎসা পৰীক্ষাৰ বাবে আবেদন দাখিল কৰিবলৈও নিৰ্দেশ দিয়ে। ইডিৰ হৈ এই গোচৰটো দাখিল কৰে অতিৰিক্ত ছলিচিটৰ জেনেৰেল এছ ভি ৰাজু আৰু সৌৰভ পাণ্ডেই। শুনানিৰ সময়ত আদালতে ইডিৰ অধিবক্তাৰ বক্তব্য লিপিবদ্ধ কৰে যে কোনো তৃতীয় ডিগ্ৰীৰ নিৰ্যাতন ব্যৱহাৰ কৰা হোৱা নাই।

উল্লেখযোগ্য যে হেমন্ত চন্দ্ৰকাৰে আৰক্ষীক দিয়া লিখিত অভিযোগত উল্লেখ কৰিছে যে তেওঁ ২৯ ছেপ্টেম্বৰৰ পুৱা ১০:৩০ বজাত প্ৰৱৰ্তন সঞ্চালকালয়ৰ ৰায়পুৰ কাৰ্যালয়লৈ সোধা-পোছাৰ বাবে গৈছিল। নিশা ৮:৩০ বজালৈকে জেৰা চলিছিল, তাৰ পিছত পিছদিনা তেওঁক উভতি আহিবলৈ কোৱা হৈছিল। চন্দ্ৰকাৰে অভিযোগ কৰে যে জেৰাৰ সময়ত তেওঁক শাৰীৰিক নিৰ্যাতন আৰু মানসিক হেঁচা প্ৰয়োগ কৰি ভূপেশ বাঘেলৰ সহযোগী বিজয় ভাটিয়া, ৰামগোপাল আগৰৱালা, আশীষ ভাৰ্মা, মনদ্বীপ চাওলা, আৰু তেওঁলোকৰ এজেণ্ট আদিত্য আগৰৱালা, শশ্বত জৈন, কিশোৰ চন্দ্ৰকাৰ, আৰু সতপাল সিংক কমিচন দি কাম কৰা বুলি স্বীকাৰ কৰিবলৈ হেঁচা দিয়া হৈছিল। ইডি বিষয়াগৰাকীয়ে ইচ্ছাকৃতভাৱে তেওঁক আৰু তেওঁৰ পৰিয়ালক হাৰাশাস্তি কৰাৰ লগতে অবৈধভাৱে বিবৃতি উলিয়াবলৈ চেষ্টা কৰাৰ অভিযোগো উত্থাপন কৰে। ইয়াৰ পিছত ৰাজনৈতিক বাক্যবাণে ৰাজনৈতিক পৰিৱেশ উত্তপ্ত কৰি তুলিছে।

हिन्दुस्थान समाचार / মনোজ কুমাৰ শইকীয়া