নতুন দিল্লী, ০৬ অক্টোবৰ (হি.স.)। প্ৰধানমন্ত্ৰী নৰেন্দ্ৰ মোদীয়ে সোমবাৰে ইয়াত অনুষ্ঠিত বিশ্ব পেৰা এথলেটিকছ চেম্পিয়নশ্বিপ ২০২৫ত ভাৰতীয় পেৰা এথলীট দলটোক ঐতিহাসিক প্ৰদৰ্শনৰ বাবে প্ৰশংসা কৰে।

এই প্ৰতিযোগিতাত ভাৰতে সৰ্বোত্তম প্ৰদৰ্শন অৰ্জন কৰি ৬টা স্বৰ্ণকে ধৰি ২২টা পদক লাভ কৰি দেশৰ পেৰা স্প’ৰ্ট যাত্ৰাত এক নতুন মাইলৰ খুঁটি স্বৰূপ হৈ পৰে। ভাৰতে প্ৰথমবাৰৰ বাবে এই সন্মানীয় বিশ্বব্যাপী অনুষ্ঠানটো আয়োজন কৰাৰ বাবেও মোদীয়ে গৌৰৱ প্ৰকাশ কৰে।

প্ৰধানমন্ত্ৰী মোদীয়ে ইমেইলযোগে কয়, আমাৰ পেৰা এথলীটসকলৰ ঐতিহাসিক প্ৰদৰ্শন। এইবাৰৰ বিশ্ব পেৰা এথলেটিকছ চেম্পিয়নশ্বিপ অতি বিশেষ আছিল। ভাৰতীয় দলটোৱে ৬টা সোণকে ধৰি ২২টা পদক লাভ কৰি এতিয়ালৈকে সৰ্বোত্তম প্ৰদৰ্শন অৰ্জন কৰিলে। আমাৰ খেলুৱৈসকলক অভিনন্দন।

তেওঁ লগতে কয় যে দিল্লীত প্ৰতিযোগিতাখন আয়োজন কৰাটোও ভাৰতৰ বাবে এক সন্মান। এই প্ৰতিযোগিতাত অংশগ্ৰহণ কৰা প্ৰায় ১০০ খন দেশৰ খেলুৱৈ আৰু সহায়ক কৰ্মচাৰীক ধন্যবাদ।

हिन्दुस्थान समाचार / অৰৱিন্দ