কাঠমাণ্ডু, ০৬ অক্টোবৰ (হি.স.)। নেপালৰ কোশী নদীৰ জলপৃষ্ঠ ক্ৰমাগতভাৱে হ্ৰাস পাইছে। যোৱা নিশা দলংখনৰ পানীৰ স্তৰ কম হোৱাৰ বাবে যান-বাহনৰ চলাচলৰ নিষেধাজ্ঞা আজি পুৱা প্ৰত্যাহাৰ কৰা হৈছে।
কালি প্ৰতি ছেকেণ্ডত ৫ লাখ ৩০ হাজাৰ কিউচেক পানী এৰি দিয়াৰ বাবে বেৰেজৰ ৫৬খন গেট মুকলি কৰা হয়। কোশী বেৰেজৰ ভাৰত চৰকাৰৰ কাৰ্যবাহী অভিযন্তা মনোজ কুমাৰে উল্লেখ কৰে যে আজি পুৱা ৮:৩০ বজালৈকে পানীৰ সোঁত প্ৰতি ছেকেণ্ডত ৪ লাখ ১০ হাজাৰ কিউচেকলৈ হ্ৰাস পাইছে।
তেওঁ কয় যে বৰ্তমান কোশী বেৰেজৰ ৫৩ খন গেট মুকলি কৰা হৈছে। যোৱা নিশা সম্পূৰ্ণৰূপে বন্ধ হৈ থকা বেৰেজ দলংখনৰ যাতায়ত আজি পুৱা ৮ বজাৰ পৰা মুকলি কৰা হৈছে। মনোজ কুমাৰৰ মতে, কোশী বেৰেজ দলঙৰ মাজেৰে সকলো ধৰণৰ যান-বাহন পাৰ হ’বলৈ দিয়া হৈছে।
কোশী নদীৰ জলপৃষ্ঠ হ্ৰাস পোৱাৰ পাছতো চৰম বিপদৰ স্তৰত থকাৰ খবৰ পোৱা গৈছে যদিও পাহাৰত বৰষুণ বন্ধ হোৱাৰ বাবে ক্ৰমান্বয়ে জলপৃষ্ঠ কমি আহিছে আৰু কোনো বিপদ নাই।
हिन्दुस्थान समाचार / Manoj Kumar Saikia
