গাজিয়াবাদ, ০৫ অক্টোবৰ (হি.স.)। বায়ুসেনা দিৱসৰ পেৰেড আৰু সম্পূৰ্ণ ড্ৰেছ ৰিহাৰ্চেলৰ পৰিপ্ৰেক্ষিতত অহা ৬ অক্টোবৰ তথা ৮ অক্টোবৰত হিন্দন বিমানবন্দৰৰ পৰা কেইবাখনো চহৰলৈ বিমান সেৱা বন্ধ কৰা হৈছে। বায়ুসেনাৰ এজন বিষয়াৰ মতে, ভাৰতীয় বায়ুসেনাই ৮ অক্টোবৰত প্ৰতিষ্ঠা দিৱস পালন কৰিব।

ইয়াৰ বাবে সকলো প্ৰস্তুতি সম্পূৰ্ণ হৈছে। অহা ৬ অক্টোবৰত বায়ুসেনা দিৱসৰ সম্পূৰ্ণ ড্ৰেছ ৰিহাৰ্চেল আৰু ৮ অক্টোবৰত মূল পেৰেড অনুষ্ঠিত হ’ব। ফলস্বৰূপে হিন্দন বিমানবন্দৰৰ পৰা বেংগালুৰু, চেন্নাই, পাটনা, ভুৱনেশ্বৰ, বাৰাণসীলৈ তিনিদিনৰ বাবে বিমান সেৱা বাতিল কৰা হৈছে। তেওঁ লগতে কয় যে এই অনুষ্ঠানৰ পৰিপ্ৰেক্ষিতত ৮ অক্টোবৰত ইউ পি গেটৰ পৰা হিন্দন বায়ুসেনা ষ্টেচনলৈ যোৱা বাহনৰ বাবেও ডাইভাৰচন প্লেন ৰূপায়ণ কৰা হ’ব।

বায়ুসেনা দিৱসৰ অনুষ্ঠানত প্ৰতিৰক্ষা মুৰব্বী জেনেৰেল অনিল চৌহান, সেনা প্ৰধান উপেন্দ্ৰ দ্বিবেদী, নৌসেনাৰ মুৰব্বী দীনেশ কুমাৰ ত্ৰিপাঠীকে ধৰি কেইবাজনো ভিআইপি উপস্থিত থাকিব। প্ৰতিৰক্ষা মন্ত্ৰী ৰাজনাথ সিঙেও উপস্থিত থকাৰ সম্ভাৱনা আছে। এই কাৰণতে ৬ অক্টোবৰৰ পৰা ৮ অক্টোবৰলৈ পুৱা ৮:৩০ বজাৰ পৰা ১১:৩০ বজালৈ হিন্দন চিভিল টাৰ্মিনেলৰ আকাশমাৰ্গ বন্ধ থাকিব। বায়ুসেনাৰ বিষয়াসকলে ঘোষণা কৰা অনুসৰি এই সময়ছোৱাত বিমান সেৱা বাতিল কৰা হৈছে।

উল্লেখযোগ্য যে হিন্দন বিমানবন্দৰৰ পৰা দেশৰ বিভিন্ন চহৰলৈ চাৰিটা বিমান সংস্থাই বিমান চলাচল কৰে।

বায়ুসেনা দিৱস উদযাপনৰ পৰিপ্ৰেক্ষিতত এয়াৰ ইণ্ডিয়া এক্সপ্ৰেছ আৰু ইণ্ডিগ’ নামৰ দুটা প্ৰধান বিমান সংস্থাৰ পাঁচখন চহৰলৈ কেইবাখনো বিমান বাতিল কৰা হৈছে। এয়াৰ ইণ্ডিয়া এক্সপ্ৰেছৰ আপ আৰু ডাউন দুয়োটা বিমান বাতিল কৰা হৈছে।

বিষয়াসকলৰ মতে, বাতিল কৰা বিমানসমূহ হ’ল- ৬ ছেপ্টেম্বৰ - বেংগালুৰু, চেন্নাই, ভুৱনেশ্বৰ, আৰু বাৰাণসীলৈ অহা আৰু যোৱা বিমান। ৭ আৰু ৮ ছেপ্টেম্বৰ - বেংগালুৰু, চেন্নাই, ভুৱনেশ্বৰ, বাৰাণসী, আৰু পাটনালৈ বিমান। ৬, ৭, আৰু ৮ ছেপ্টেম্বৰ - হিন্দনৰ পৰা পাটনা, হিন্দনৰ পৰা বাৰাণসী, আৰু হিন্দনৰ পৰা বেংগালুৰুলৈ বিমান সেৱা বাতিল কৰা হৈছে।

আৰক্ষী আয়ুক্ত জে ৰবিন্দৰ গৌডৰ সংবাদ মাধ্যমৰ ভাৰপ্ৰাপ্ত বিষয়াই কয় যে ৮ অক্টোবৰত মূল পেৰেড অনুষ্ঠিত হ’ব। এই সময়ছোৱাত অধিকাংশ ভিআইপি দিল্লীৰ পৰা গাজিয়াবাদত উপস্থিত হ’ব। যাৰ বাবে যান-বাহন আৰক্ষীয়ে ডাইভাৰচন প্লেন ৰূপায়ণ কৰিছে। ইউ পি গেটৰ পৰা ৰাজনগৰ এক্সটেনচন ৰটাৰী ৰাউণ্ডবাউটলৈ আৰু তাৰ পৰা নাগদ্বাৰ হৈ হিন্দন এয়াৰ ফৰ্চ ষ্টেচন ৰাউণ্ডবাউটলৈ যোৱা পথ অৱৰোধ কৰা হ’ব। অনুষ্ঠানৰ আগতীয়াকৈ এই পথসমূহত পথ সলনি ৰূপায়ণ কৰা হ’ব। ভিআইপি চলাচলৰ সময়ত বাহনৰ চলাচল বন্ধ কৰি দিয়া হ’ব।

हिन्दुस्थान समाचार / Manoj Kumar Saikia