নতুন দিল্লী, ০৫ অক্টোবৰ (হি.স.)। আম আদমী পাৰ্টিয়ে (আআপা) পঞ্জাৱৰ পৰা ৰাজ্যসভাৰ এখন আসনৰ উপ-নিৰ্বাচনৰ বাবে উদ্যোগপতি ৰাজিন্দৰ গুপ্তাক প্ৰাৰ্থীত্ব প্ৰদান কৰিছে । এই কথা দেওবাৰে প্ৰকাশ কৰে আপৰ ৰাজনৈতিক পৰিক্ৰমা সমিতিয়ে।

আআপাৰ প্ৰাৰ্থী ৰাজিন্দৰ গুপ্তা ট্ৰাইডেণ্ট গ্ৰুপৰ অধ্যক্ষ। শেহতীয়াকৈ তেওঁ দুটা গুৰুত্বপূৰ্ণ পদৰ পৰা পদত্যাগ কৰিছে: ৰাজ্যিক অৰ্থনৈতিক নীতি আৰু পৰিকল্পনা ব’ৰ্ডৰ উপাধ্যক্ষ আৰু কালি দেৱী মন্দিৰৰ পৰামৰ্শদাতা সমিতিৰ অধ্যক্ষ।

উল্লেখযোগ্য যে আআপাৰ সঞ্জীৱ অৰোৰাৰ পদত্যাগৰ ফলত পঞ্জাৱৰ এই আসনখন খালী হৈছিল। শেহতীয়াকৈ পঞ্জাৱ বিধানসভাৰ উপ-নিৰ্বাচনত জয়ী হৈ সাংসদ পদৰ পৰা পদত্যাগ কৰে সঞ্জয় অৰোৰাই। সঞ্জীৱ অৰোৰাৰ কাৰ্যকাল আছিল ২০২৮ চনৰ ৯ এপ্ৰিললৈকে। কিন্তু লুধিয়ানা পশ্চিম বিধানসভাৰ আসন জয় কৰাৰ পিছত ৰাজ্যসভাৰ সদস্যপদৰ পৰা পদত্যাগ কৰিবলগীয়া হোৱাত আসনখন খালী হৈ পৰে।

নিৰ্বাচন আয়োগে ২৪ অক্টোবৰত এই আসনৰ বাবে ভোটদানৰ কথা ঘোষণা কৰিছে। নিৰ্বাচন আয়োগৰ সূচী অনুসৰি ৬ অক্টোবৰত এই অধিসূচনা জাৰি কৰা হ’ব।

हिन्दुस्थान समाचार / মনোজ কুমাৰ শইকীয়া