নতুন দিল্লী, ০৪ অক্টোবৰ (হি.স.)। ভাৰতৰ জাহাজ নিৰ্মাণ খণ্ডক উন্নীত কৰাৰ বাবে কেন্দ্ৰীয় চৰকাৰে এক বৃহৎ পদক্ষেপ গ্ৰহণ কৰিছে। শেহতীয়াকৈ প্ৰধানমন্ত্ৰী নৰেন্দ্ৰ মোডীৰ অধ্যক্ষতাত অনুষ্ঠিত কেন্দ্ৰীয় কেবিনেটে জাহাজ নিৰ্মাণ আৰ্থিক সাহায্য আঁচনি (এছ বি এফ এ এছ) আৰু ৰাষ্ট্ৰীয় জাহাজ নিৰ্মাণ অভিযান (এন এছ বি এম)ৰ অধীনত ২৪,৭৩৬ কোটি টকাৰ উৎসাহমূলক পেকেজত অনুমোদন জনাইছে।
বন্দৰ, জাহাজ আৰু জলপথ মন্ত্ৰালয়ে নিজৰ এক্সচেঞ্জ একাউণ্টৰ জৰিয়তে এই কথা ঘোষণা কৰে। মন্ত্ৰালয়ৰ মতে, এই আৰ্থিক সাহায্য পেকেজ ২০২৬ বিত্তীয় বৰ্ষৰ পৰা ২০৩৬ চনলৈ প্ৰযোজ্য হ’ব আৰু ইয়াৰ লক্ষ্য দেশত জাহাজ নিৰ্মাণক উৎসাহিত কৰা।
এই পেকেজৰ ভিতৰত ২০,৫৫৪ কোটি টকা জাহাজ নিৰ্মাণ সাহায্যৰ বাবে, ৪,০০১ কোটি টকা জাহাজ ভাঙিবলৈ ক্ৰেডিট নোটৰ ৰূপত, আৰু ১৮১ কোটি টকা ৰাষ্ট্ৰীয় জাহাজ নিৰ্মাণ অভিযান কাৰ্যকৰী কৰাৰ বাবে আবণ্টন দিয়া হৈছে। এই আঁচনিৰ জৰিয়তে চৰকাৰে প্ৰায় ₹96,000 কোটি মূল্যৰ জাহাজ নিৰ্মাণক উদ্বুদ্ধ কৰাৰ লক্ষ্য লৈছে। ইয়াৰ উপৰিও ভাৰতৰ বৰ্তমানৰ জাহাজ ভাঙি আৰু পুনঃব্যৱহাৰৰ পৰিৱেশ তন্ত্ৰৰ সহায় লৈ বৃত্তাকাৰ অৰ্থনীতিক প্ৰসাৰিত কৰা হ’ব।
हिन्दुस्थान समाचार / মনোজ কুমাৰ শইকীয়া
04 Oct 2025
