পাটনা, ০৪ অক্টোবৰ (হি.স.)। মুখ্য নিৰ্বাচন আয়ুক্ত জ্ঞানেশ কুমাৰৰ সভাপতিত্বত শুকুৰবাৰে বিহাৰৰ সকলো স্বীকৃতিপ্ৰাপ্ত ৰাজনৈতিক দলৰ সৈতে নিৰ্বাচন আয়ুক্ত ড° সুখবীৰ সিং সন্ধু, নিৰ্বাচন আয়ুক্ত ড° বিবেক যোশী, বিহাৰৰ মুখ্য নিৰ্বাচনী বিষয়া বিনোদ সিং গুণজ্যল আৰু আয়োগৰ উচ্চপদস্থ বিষয়াৰ সৈতে হোৱা এক বৈঠক সফলভাৱে সমাপ্ত হয়।

বৈঠকৰ অন্তত নিৰ্বাচন আয়োগে কয় যে ৰাজনৈতিক দলসমূহ গণতন্ত্ৰৰ মূল শিলাস্তম্ভ আৰু স্বচ্ছ নিৰ্বাচনী প্ৰক্ৰিয়াৰ প্ৰতিটো পৰ্যায়তে তেওঁলোকৰ অংশগ্ৰহণ নিশ্চিত কৰিব লাগিব। আয়োগে সকলোকে সমন্বয় আৰু ভোটাৰৰ প্ৰতি সন্মানেৰে নিৰ্বাচনৰ উৎসৱ উদযাপন কৰিবলৈ আহ্বান জনায়। আয়োগে সকলোকে নিৰ্বাচনৰ স্বচ্ছতা অনুভৱ কৰিবলৈ আহ্বান জনায় আৰু প্ৰতিটো ভোটগ্ৰহণ কেন্দ্ৰত ৰাজনৈতিক দলসমূহে নিজৰ ভোটগ্ৰহণকাৰী নিযুক্তি দিয়াটো নিশ্চিত কৰিবলৈ আহ্বান জনায়।

নিৰ্বাচন আয়োগে কয় যে নিৰ্বাচনী তালিকা বিশুদ্ধৰ বাবে বিশেষ ভোটাৰ পুনৰীক্ষণ (এছআইআৰ) চলোৱাৰ ঐতিহাসিক, স্বচ্ছ, আৰু দৃঢ় পদক্ষেপ লোৱাৰ বাবে সকলো ৰাজনৈতিক দলে আয়োগক ধন্যবাদ জনাইছে আৰু নিৰ্বাচনী প্ৰক্ৰিয়াৰ প্ৰতি তেওঁলোকৰ সম্পূৰ্ণ বিশ্বাস আৰু আস্থা পুনৰবাৰ প্ৰকাশ কৰিছে। ৰাজনৈতিক দলসমূহে প্ৰতিটো ভোটকেন্দ্ৰত সৰ্বাধিক ১২০০ ভোটাৰৰ সংখ্যা নিৰ্ধাৰণ কৰাৰ বাবে আয়োগক ধন্যবাদ জ্ঞাপন কৰে। বিহাৰৰ ৰাজনৈতিক দলসমূহে ভোটাৰৰ অংশগ্ৰহণ বৃদ্ধিৰ বাবে ছঠ উৎসৱৰ লগে লগে নিৰ্বাচন অনুষ্ঠিত কৰিবলৈ দাবী জনাইছে আৰু যিমান পাৰি কম পৰ্যায়ত নিৰ্বাচন অনুষ্ঠিত কৰাৰ পৰামৰ্শ আগবঢ়াইছে।

শেহতীয়াকৈ নিৰ্বাচন আয়োগে গ্ৰহণ কৰা কেইবাটাও পদক্ষেপ, যেনে ডাক ভোট গণনা আৰু প্ৰপত্ৰ ১৭চিৰ সৈতে জড়িত বিধানৰ বহুল প্ৰশংসা লাভ কৰিছে। সকলো দলেই নিৰ্বাচন আয়োগৰ ওপৰত সম্পূৰ্ণ আস্থা প্ৰকাশ কৰি মুক্ত, নিকা, আৰু সম্পূৰ্ণ স্বচ্ছ নিৰ্বাচন নিশ্চিত কৰাৰ বাবে ইয়াৰ ওপৰত সম্পূৰ্ণ আস্থা প্ৰকাশ কৰে।

हिन्दुस्थान समाचार / মনোজ কুমাৰ শইকীয়া