কেভাদিয়া (গুজৰাট), ৩১ অক্টোবৰ (হি.স.)। প্ৰধানমন্ত্ৰী নৰেন্দ্ৰ মোদীয়ে আজি ৰাষ্ট্ৰীয় একতা দিৱস উপলক্ষে আৰু লৌহ পুৰুষ চৰ্দাৰ বল্লভভাই পেটেলৰ ১৫০ সংখ্যক জন্ম জয়ন্তী উপলক্ষে নৰ্মদা জিলাৰ কেৱাদিয়া (আনুষ্ঠানিকভাৱে একতা নগৰ নামেৰে জনাজাত)স্থিত একতাৰ প্ৰতিমূৰ্তি পৰিদৰ্শন কৰে। প্ৰতি বছৰে কৰা দৰেই তেওঁ চৰ্দাৰ পেটেলৰ প্ৰতিমূৰ্তিলৈ পুস্প অৰ্পন কৰি শ্ৰদ্ধাঞ্জলি জ্ঞাপন কৰে।

পুৱাৰে পৰা ষ্টেচু অৱ ইউনিটি অঞ্চলত বৰষুণ দি আছে। লৌহ পুৰুষ পেটেলৰ জন্ম বাৰ্ষিকী উপলক্ষে ‘ৰাষ্ট্ৰীয় একতা দিৱস’ৰ ভৱ্য উদযাপনত অংশগ্ৰহণ কৰিবলৈ সমগ্ৰ গুজৰাটৰ বিভিন্ন চহৰৰ পৰা বৃহৎ সংখ্যক লোক সমবেত হয়। চৰ্দাৰ স্মাৰক পৰিদৰ্শন কৰাৰ পিছত প্ৰধানমন্ত্ৰীয়ে ৰাষ্ট্ৰীয় একতা দিৱস উদযাপনত অংশগ্ৰহণ কৰি জনসাধাৰণক একতাৰ শপত গ্ৰহণ কৰোৱায়।

এই উপলক্ষে তেওঁ একতা পেৰেডো পৰ্যবেক্ষণ কৰে। প্ৰধানমন্ত্ৰী মোদীয়ে জোৱান আৰু দেশবাসীক সম্বোধন কৰিব। এই উপলক্ষে ৮০০ৰো অধিক আই এ এছ আৰু আই পি এছ বিষয়া উপস্থিত থাকিব। বতৰ বেয়াৰ বাবে প্ৰধানমন্ত্ৰীয়ে বাডোদৰাৰ পৰা কেৱাদিয়ালৈ পথেৰে যাত্ৰা কৰিছিল। কাৰ্যসূচীৰ পিছতে প্ৰধানমন্ত্ৰী মোদীয়ে কেভাদিয়াৰ পৰা দিনৰ ১২:২০ বজাত বদোদৰালৈ ৰাওনা হ’ব। দিনৰ ১:০০ বজাত বদোদৰা বিমানবন্দৰৰ পৰা দিল্লী অভিমুখে ৰাওনা হ’ব।

हिन्दुस्थान समाचार / অৰৱিন্দ