গোলাঘাট, ৩০অক্টোবৰ (হি.স.)। বোকাখাতত কৃষকক ৰাজ সাহায্য যুক্ত ট্ৰেক্টৰ বিতৰণ কাৰ্যসূচী সম্পন্ন হয় । কৃষি -যান্ত্ৰিকীকৰণ উপ-আঁচনি(SMAM) ৰ অধীনত ৰাজ সাহায্য যুক্ত ট্ৰেক্টৰৰ লগতে বিভিন্ন কৃষি সজুলি বিতৰণ কাৰ্যসূচীত অংশগ্ৰহণ কৰে জ্যেষ্ঠ কেবিনেট মন্ত্ৰী অতুল বৰাই । বৃহস্পতিবাৰে বোকাখাত নাট্য মন্দিৰত অনুষ্ঠিত হোৱা এখন সভাত বোকাখাত সমজিলাৰ অৰ্ধশতাধিক কৃষক আৰু আত্মসহায়ক গোটৰ মাজত ৫ খন ট্ৰেক্টৰ, ১৬ পাৱাৰ টিলাৰ, চ'লাৰ পাম্প আদি সামগ্ৰী বিতৰণ কৰে মন্ত্ৰী গৰাকীয়ে ।
এই বিতৰণ ২ টা আত্মসহায়ক গোটৰ মহিলাই ২ খন টেক্টৰ লাভ কৰে ৷ মিলিজুলি আত্মসহায়ক মহিলা গোটে চলিত বৰ্ষত ৬০ লাখ টকা উপাৰ্জন কৰাৰ লক্ষ্য বান্ধি লৈছে ৷ মহিলা গোটটিয়ে নিজৰ উৎপাদিত সামগ্ৰীৰ এখন নিজাকৈ বিপনীও আৰম্ভ কৰিছে ৷ তেওঁলোকৰ দৰে বাকীসকল মহিলাকো কৃষিকৰ্মৰ জৰিয়তে স্বাৱলম্বী হোৱাৰ আহ্বান জনায় ৷ চৰকাৰী ৰাজসাহাৰ্যৰ সুবিধা লাভ কৰি চাকৰিৰ প্ৰতি ধাৱমান নহৈ কৃষিকৰ্মৰ জৰিয়তেও স্বাৱলম্বী হ'ব পাৰি বুলি দোহাৰিলে টেক্টৰ লাভ কৰা কৃষকে ৷ উক্ত বিতৰণ কাৰ্যসূচীত কাজিৰঙা লোকসভা সমষ্টিৰ সাংসদ কামাখ্যা প্ৰসাদ তাছা আৰু গোলাঘাট জিলা আয়ুক্ত পুলক মহন্ত উপস্থিত থাকে ৷
হিন্দুস্থান সমাচাৰ / প্ৰকাশ ডেকা
