ডামাস্কাছ, ০৩ অক্টোবৰ (হি.স.)। দশক দশক ধৰি একনায়কত্ববাদ আৰু প্ৰায় ১৩ বছৰীয়া গৃহযুদ্ধৰ অন্তত ছিৰিয়াত নতুন গণতান্ত্ৰিক প্ৰক্ৰিয়াত নামি পৰিছে। ৫ অক্টোবৰ দেওবাৰে নতুন প্ৰশাসনৰ অধীনত প্ৰথমবাৰৰ বাবে অনুষ্ঠিত হ’ব সংসদীয় নিৰ্বাচন।
সংবাদ মাধ্যমৰ বাতৰি অনুসৰি ছিৰিয়াত ৰাষ্ট্ৰপতি বছৰ আল আছাদক ক্ষমতাৰ পৰা বহিষ্কাৰ কৰাৰ পিছত প্ৰথমখন সংসদ দেওবাৰে পৰোক্ষ ভোটদানৰ জৰিয়তে গঠন কৰা হ’ব। নিৰ্বাচনত মুঠ ২১০ জন সদস্যৰে গণসভা (সংসদ) গঠন কৰা হ’ব। ইয়াৰে এক তৃতীয়াংশ সদস্যক পোনপটীয়াকৈ সভাপতিয়ে নিযুক্তি দিব, আৰু বাকী সদস্যসকলক নিৰ্বাচনী প্ৰক্ৰিয়াৰ জৰিয়তে নিৰ্বাচিত কৰা হ’ব। আল কায়দাৰ সৈতে জড়িত প্ৰাক্তন বিদ্ৰোহী বৰ্তমানৰ ৰাষ্ট্ৰপতি আহমেদ আল শ্বাৰাই নিযুক্তি দিয়া এখন কমিটীয়ে ১৫৭০ জন প্ৰাৰ্থীক অনুমোদন জনাইছে। শৰাৰ বিদ্ৰোহী বাহিনীয়ে ২০২৪ চনৰ ডিচেম্বৰ মাহত বাছাৰ আল আছাদ চৰকাৰক উৎখাত কৰিছিল।
বিষয়াসকলৰ মতে, জনসংখ্যাৰ নিৰ্ভৰযোগ্য তথ্যৰ অভাৱ আৰু যুদ্ধৰ ফলত লাখ লাখ ছিৰিয়ান লোকক স্থানচ্যুত হোৱাৰ বাবে সাৰ্বজনীন ভোটাধিকাৰৰ পৰিৱৰ্তে এই ব্যৱস্থা গ্ৰহণ কৰা হৈছিল। ইফালে নতুন ৰাষ্ট্ৰপতি শৰাই নতুন সংসদ গঠনক সংক্ৰমণকালীন ৰাজনৈতিক পৰিৱেশৰ এক কাৰ্য্যকৰী পন্থা বুলি অভিহিত কৰিছে। অৱশ্যে এয়া স্থায়ী সমাধান নহয় বুলি তেওঁ স্পষ্ট কৰি দিয়ে। নথি-পত্ৰ হেৰুওৱাৰ বাবে ৰাষ্ট্ৰীয় নিৰ্বাচন অসম্ভৱ।
ইফালে, নিৰাপত্তা আৰু ৰাজনৈতিক কাৰণত দেশৰ উত্তৰ-পূবত কুৰ্দি নেতৃত্বাধীন প্ৰশাসনৰ নিয়ন্ত্ৰণত থকা অঞ্চলসমূহত নিৰ্বাচন পিছুৱাই দিয়া হৈছে। এই শাসন ব্যৱস্থাই শৰাৰ শাসন দৃষ্টিভংগীৰ বিৰোধিতা কৰে। উল্লেখযোগ্য যে ২০০০ চনৰ পৰা ২০২৪ চনলৈকে আছাদৰ শাসনকালত সংসদত ২৫০ খন আসন আছিল, ইয়াৰে দুই তৃতীয়াংশ আসন তেওঁৰ বাথ পাৰ্টিৰ সদস্যৰ বাবে সংৰক্ষিত আছিল।
हिन्दुस्थान समाचार / অৰৱিন্দ
