আহমেদাবাদ, ০৩ অক্টোবৰ (হি.স.)। ৱেষ্ট ইণ্ডিজৰ বিৰুদ্ধে প্ৰথমখন টেষ্টৰ দ্বিতীয় দিনা ভাৰতে নিজৰ স্থান সুদৃঢ় কৰে। ইয়াৰ বাবে অ’পেনাৰ কে এল ৰাহুল, যুৱ উইকেটকীপাৰ-বেটছমেন ধ্ৰুৱ জুৰেল, আৰু অলৰাউণ্ডাৰ ৰবীন্দ্ৰ জাডেজাৰ শতকে অৰিহণা যোগাইছিল। প্ৰথম ইনিংছৰ ভিত্তিত ২৮৬ ৰানৰ বৃহৎ অগ্ৰগতি লাভ কৰি ভাৰতে ৫ উইকেটত ৪৪৮ ৰান কৰি দিনটোৰ অন্ত পেলায়।
ৱেষ্ট ইণ্ডিজৰ প্ৰথম ইনিংছত মাত্ৰ ১৬২ ৰান সংগ্ৰহ কৰি অল আউট হৈছিল।
ভাৰতে দিনটো আৰম্ভ কৰিলে ১২১/২ ত। অধিনায়ক শুভমন গিলে (৫০, ১০০ বল, ৫ চাৰি) নিজৰ অৰ্ধশতকত উপনীত হয় যদিও অতি সোনকালেই ৰষ্টন চেজ (২/৩৭)ৰ বলত স্লিপত কেচ আউট হয়। ৰাহুলৰ সৈতে তৃতীয় উইকেটৰ বাবে গিলে ৯৮ ৰান সংযোজন কৰে।
ইয়াৰ পিছতে কে.এল. ৰাহুলে ধৈৰ্য্যৰে বেটিং কৰি শতক অৰ্জন কৰে। অৱশ্যে দুপৰীয়াৰ আহাৰ গ্ৰহণৰ পিছত জোমেল ৱাৰিকনে ১০০ ৰানত তেওঁক আউট কৰে।
ইয়াৰ পিছতে ধ্ৰুৱ জুৰেল আৰু ৰবীন্দ্ৰ জাডেজাই বেটিংৰ দায়িত্ব লয়। পঞ্চম উইকেটৰ বাবে ২০৬ ৰানৰ সুন্দৰ অংশীদাৰিত্বৰে দলটোক শক্তিশালী কৰে। জুৰেলে ১২৫ ৰান কৰাৰ পিছত খাৰী পাইৰৰ হাতত আউচ হোৱাৰ পূৰ্বে টেষ্টত প্ৰথমটো শতক অৰ্জন কৰে।
ৰবীন্দ্ৰ জাডেজাইও দিনটোৰ অন্তিম অধিবেশনত শতক অৰ্জন কৰি ১০৪ ৰানত অপৰাজিত হৈ অন্ত পেলায়। তেওঁৰ সৈতে ক্ৰীজত যোগ দিয়ে ৱাশ্বিংটন সুন্দৰ (৯)*।
ৱেষ্ট ইণ্ডিজৰ হৈ ৰষ্টন চেজে দুটা উইকেট দখল কৰাৰ বিপৰীতে খাৰী পাইৰ, জেডেন ছিলছ, আৰু জোমেল ৱাৰিকনে এটাকৈ উইকেট দখল কৰে।
স্ক'ৰকাৰ্ড
ৱেষ্ট ইণ্ডিজ (১ম ইনিংছ): ১৬২
ভাৰত (১ম ইনিংছ, দ্বিতীয় দিন): ৪৪৮/৫ (১২৮ অভাৰ)
কে.এল. ৰাহুল – ১০০
ধ্ৰুৱ জুৰেল – ১২৫
ৰবীন্দ্ৰ জাদেজা – ১০৪*
শুভমন গিল – ৫০
हिन्दुस्थान समाचार / অৰৱিন্দ
