কাটিহাৰ, ০৩ অক্টোবৰ (হি.স.)। বিহাৰৰ পূৰ্ণিয়া জিলাৰ জৱনপুৰ গুমটিৰ সমীপৰ কাটিহাৰ-জোগবাণী ৰে’লপথৰ দশহৰা মেলাৰ পৰা উভতি আহি থকা অৱস্থাত শুকুৰবাৰে পুৱা প্ৰায় ৫ বজাত চাৰিজন যুৱক নিহত হোৱাৰ লগতে কেইবাজনো গুৰুতৰভাৱে আহত হয়।

স্থানীয় কাছবা আৰক্ষী থানাৰ তথ্য অনুসৰি, নিহত আৰু আহত যুৱককেইজন পূৰ্ণিয়া জিলাৰ বনমনখী ব্লকৰ চান্দপুৰ ভঙাৰ বাসিন্দা বুলি চিনাক্ত কৰা হৈছে। সকলোৱে পূৰ্ণীয়াৰ এটা মখানা কাৰখানাত কাম কৰিছিল। ঘটনাস্থলীৰ পৰা আৰক্ষীয়ে এটা মোবাইল ফোনো উদ্ধাৰ কৰে।

কাছবা আৰক্ষী থানা আৰু ৰে’লৱে সুৰক্ষা বাহিনীৰ বিষয়াসকলে জনোৱা মতে, দশহৰা মেলাত অংশগ্ৰহণ কৰিবলৈ কাছবালৈ অহা যুৱককেইজনে উৎসৱৰ পৰা উভতি অহাৰ সময়ত ৰে’লে খুন্দা মাৰে। ৰে’ল আৰক্ষী থানাই জনোৱা মতে, মৃতকৰ পৰিয়ালক এই বিষয়ে অৱগত কৰা হৈছে। মৰণোত্তৰ পৰীক্ষাৰ অন্তত মৃতদেহ তেওঁলোকৰ হাতত গতাই দিয়া হ’ব।

ৰে’ল দুৰ্ঘটনাত নিহত লোকক চিনাক্ত কৰা হৈছে। ৰাজেশ ঋষিৰ পুত্ৰ জিগাৰ কুমাৰ (১৪), আনমোল ঋষিৰ পুত্ৰ সিন্তু কুমাৰ (১৩), হৰিনান্দ ঋষিৰ পুত্ৰ কুলদীপ কুমাৰ (১৪), ব্ৰহ্মদেৱ ঋষিৰ পুত্ৰ সুন্দৰ কুমাৰ (১৪)।

আৰক্ষীয়ে জনোৱা মতে, দুৰ্ঘটনাত আহত যুৱককেইজনক পূৰ্ণিয়া জিএমচিএইচত চিকিৎসাধীন হৈ আছে আৰু তেওঁলোকৰ অৱস্থা সংকটজনক। প্ৰত্যক্ষদৰ্শীয়ে কয় যে ৰে’লখন ইমান বেগেৰে গতি কৰিছিল যে লোকসকলে গম পোৱা বা আঁতৰ হোৱাৰ কোনো সুযোগ নাছিল।

हिन्दुस्थान समाचार / মনোজ কুমাৰ শইকীয়া