ছিউল (দক্ষিণ কোৰিয়া), ২৯ অক্টোবৰ (হি.স.): দক্ষিণ কোৰিয়াৰ উত্তৰ গিয়ংছাং প্ৰদেশৰ ঐতিহাসিক চহৰ গ্য়ংজুত বৰ্তমান আমেৰিকাৰ ৰাষ্ট্ৰপতি ড’নাল্ড ট্ৰাম্প। গিয়েংজু ৰাষ্ট্ৰীয় সংগ্ৰহালয়ত অনুষ্ঠিত এছিয়া-পেচিফিক অৰ্থনৈতিক সহযোগিতা (এপেক) শীৰ্ষ সন্মিলনত অংশগ্ৰহণ কৰিব। বুধবাৰে বিয়লি শীৰ্ষ সন্মিলন আৰম্ভ হোৱাৰ পূৰ্বে দক্ষিণ কোৰিয়াৰ ৰাষ্ট্ৰপতি লি জে-ম্যুঙে সংগ্ৰহালয়ৰ বাহিৰত আমেৰিকাৰ সমকক্ষক আদৰণি জনায়। এই উপলক্ষে উত্তৰ কোৰিয়াৰ নেতা কিম জং উনৰ সৈতে হোৱা বৈঠক বাতিল হোৱাত ট্ৰাম্প আৰু লীয়ে দুখ প্ৰকাশ কৰে।

দ্য কোৰিয়া টাইমছ কাকতত প্ৰকাশিত বাতৰি অনুসৰি ৰাষ্ট্ৰপতি লি আৰু আমেৰিকাৰ ৰাষ্ট্ৰপতি ট্ৰাম্পে কিম জং উনৰ সৈতে হোৱা আশা কৰা ধৰণৰ বৈঠক বাতিল হোৱাত দুখ প্ৰকাশ কৰি পিয়ংইয়াঙৰ সৈতে আলোচনাৰ প্ৰতি তেওঁলোকৰ আগ্ৰহ অব্যাহত ৰখাৰ ওপৰত আলোকপাত কৰে। লীয়ে সংগ্ৰহালয়ৰ বাহিৰত আমেৰিকাৰ সমকক্ষক সম্ভাষণ জনায় আৰু তাৰ পিছত তেওঁক ভিতৰলৈ লৈ যায়। কোৰিয়া উপদ্বীপত শান্তি প্ৰসাৰৰ বাবে কৰা প্ৰচেষ্টাৰ স্বীকৃতি স্বৰূপে লীয়ে ট্ৰাম্পক গ্ৰেণ্ড অৰ্ডাৰ অৱ মুগুংঘৱা (কোৰিয়াৰ সৰ্বোচ্চ ৰাষ্ট্ৰীয় সন্মান) প্ৰদান কৰে। এই সন্মান প্ৰথমবাৰৰ বাবে আমেৰিকাৰ ৰাষ্ট্ৰপতিক প্ৰদান কৰা হৈছে।

ইয়াৰ পূৰ্বে বুছানৰ গিমহাই আন্তঃৰাষ্ট্ৰীয় বিমানবন্দৰত ট্ৰাম্পক ২১ বন্দুকৰ চেলুটকে ধৰি আনুষ্ঠানিকভাৱে আদৰণি জনোৱা হৈছিল। বৈদেশিক মন্ত্ৰী চ’ হ্যুন আৰু আমেৰিকাত থকা কোৰিয়াৰ ৰাষ্ট্ৰদূত কাং কিউং-ৱাই আমেৰিকাৰ ৰাষ্ট্ৰপতিগৰাকীক আদৰণি জনায়। বিমানবন্দৰৰ পৰা ট্ৰাম্পে নিজৰ চৰকাৰী হেলিকপ্টাৰ মেৰিন ৱানত উঠি প্ৰায় ৮০ কিলোমিটাৰ দূৰত্বৰ বিমান যাত্ৰাৰ বাবে গ্য়ংজুলৈ যায়।

দক্ষিণ কোৰিয়াৰ ৰাষ্ট্ৰপতি কাৰ্যালয়ে প্ৰকাশ কৰা অনুসৰি আজি সন্ধিয়া ৬:৩০ বজাত লীয়ে ট্ৰাম্প আৰু শীৰ্ষ সন্মিলনত অংশগ্ৰহণ কৰা আন সাতখন দেশৰ নেতাক সন্মান জনাই ৰাতিৰ আহাৰ গ্ৰহণ কৰিব। ইয়াৰ ভিতৰত ভিয়েটনাম, অষ্ট্ৰেলিয়া, নিউজিলেণ্ড, কানাডা, থাইলেণ্ড, ছিংগাপুৰৰ ৰাষ্ট্ৰপতিসকলো অন্তৰ্ভুক্ত হ’ব। ভাৰত-প্ৰশান্ত মহাসাগৰীয় অঞ্চলত অৰ্থনৈতিক সহযোগিতাৰ সন্দৰ্ভত নেতাসকলৰ মুকলি আলোচনা হ’ব বুলি আশা কৰা হৈছে।

हिन्दुस्थान समाचार / অৰৱিন্দ