চণ্ডীগড়, ২৭ অক্টোবৰ (হি.স.)। পঞ্জাৱৰ মুখ্যমন্ত্ৰী ভগৱন্ত মানে সোমবাৰে দিল্লীত ৰাষ্ট্ৰপতি দ্ৰৌপদী মুৰ্মুক সাক্ষাৎ কৰি শ্ৰী গুৰু টেগ বাহাদুৰৰ ৩৫০ সংখ্যক শ্বহীদ দিৱস উদযাপনত অংশগ্ৰহণ কৰিবলৈ আমন্ত্ৰণ জনায়। মুখ্যমন্ত্ৰীয়ে উল্লেখ কৰে যে ৰাষ্ট্ৰপতিগৰাকীয়ে তেওঁৰ সময়সূচী অনুসৰি ১৮ নৱেম্বৰৰ পৰা ২৫ নৱেম্বৰৰ ভিতৰত যিকোনো তাৰিখ বাছি ল’বলৈ কয়। পঞ্জাৱ চৰকাৰে যি তাৰিখে সিদ্ধান্ত ল’ব সেই তাৰিখে আদৰি ল’ব।
গুৰু টেগ বাহাদুৰৰ ৩৫০ সংখ্যক শ্বহীদ বাৰ্ষিকী উপলক্ষে পঞ্জাৱ চৰকাৰে ভৱ্য সমাগমৰ আয়োজন কৰিছে । সেয়ে সকলো ৰাজ্যৰ মুখ্যমন্ত্রী আৰু কেন্দ্রীয় মন্ত্রীক আমন্ত্রণ জনোৱা হৈছে৷ এই অনুষ্ঠানসমূহৰ আৰম্ভণি হৈছিল ২৫ অক্টোবৰত দিল্লীৰ গুৰুদ্বাৰা শ্ৰী ছিছ গঞ্জ চাহাবত অৰ্দাসৰ সৈতে। ইয়াৰ পিছতে পঞ্জাৱৰ সকলো জিলাতে পোহৰ আৰু শব্দৰ অনুষ্ঠান, কীৰ্তন দৰবাৰ, গুৰু টেগ বাহাদুৰৰ জীৱন আৰু শিক্ষাক চিত্ৰিত কৰা ধৰ্মীয় অনুষ্ঠানৰ আয়োজন কৰা হৈছে। গুৰু চাহাবৰ চৰণৰ সৈতে জড়িত ১৩০টা পবিত্ৰ স্থানতো কীৰ্তন দৰবাৰ অনুষ্ঠিত হ’ব।
ৰাষ্ট্ৰপতিগৰাকীক সাক্ষাৎ কৰাৰ পিছত পঞ্জাৱৰ মুখ্যমন্ত্ৰী ভগৱন্ত মানে কয় যে ৰাষ্ট্ৰপতিগৰাকী গভীৰভাৱে ধৰ্মীয় মনোভাৱাপন্ন আৰু তেওঁ এই বিষয়ে অৱগত। ইয়াৰ পূৰ্বে পঞ্জাৱলৈ যোৱাৰ সময়ত দৰবাৰ চাহাবত প্ৰায় দুঘণ্টা সময় অতিবাহিত কৰিছিল আৰু লাংগাৰ গ্ৰহণ কৰিছিল। সমগ্ৰ দেশৰ ৰাজ্যসমূহৰ মুখ্যমন্ত্ৰী আৰু বিশ্বৰ বিভিন্ন প্ৰান্তত বসবাস কৰা পাঞ্জাবীসকলক মুকলি আমন্ত্ৰণ প্ৰদান কৰা হৈছে। সকলো দেশৰ ৰাষ্ট্ৰদূতক আমন্ত্ৰণ জনোৱা হৈছে। তেওঁ লগতে কয় যে ৰাষ্ট্ৰপতিক তেওঁৰ সুবিধা অনুসৰি এটা সময় দিবলৈ অনুৰোধ জনোৱা হৈছে।
हिन्दुस्थान समाचार / অৰৱিন্দ
