নতুন দিল্লী, ২৬ অক্টোবৰ (হি.স.)। প্ৰধানমন্ত্ৰী নৰেন্দ্ৰ মোদীয়ে তেওঁৰ মাহেকীয়া ৰেডিঅ' অনুষ্ঠান মন কি বাতত ভাৰতীয় জাতৰ কুকুৰক নিৰাপত্তা বাহিনীত গ্ৰহণ আৰু প্ৰশিক্ষণ দিয়াৰ প্ৰশংসা কৰে। তেওঁ উল্লেখ কৰে যে পাঁচ বছৰ পূৰ্বে তেওঁ দেশবাসী আৰু নিৰাপত্তা বাহিনীক ভাৰতীয় জাতৰ কুকুৰ গ্ৰহণ কৰিবলৈ আহ্বান জনাইছিল।
মন কি বাতৰ ১২৭ সংখ্যক খণ্ডত প্ৰধানমন্ত্ৰীয়ে উল্লেখ কৰে যে বি এছ এফ আৰু চি আৰ পি এফে তেওঁলোকৰ দলত ভাৰতীয় জাতৰ কুকুৰৰ সংখ্যা বৃদ্ধি কৰিছে। বি এছ এফৰ ৰাষ্ট্ৰীয় প্ৰশিক্ষণ কেন্দ্ৰ গ্ৱালিয়ৰৰ টেকানপুৰত অৱস্থিত। ৰামপুৰ হাউণ্ড, মুধোল হাউণ্ড, আৰু অন্যান্য ভাৰতীয় জাতৰ প্ৰতি বিশেষ গুৰুত্ব দিয়া হৈছে। এই কুকুৰবোৰৰ বাবে প্ৰশিক্ষণ পুস্তিকাখনো সংশোধন কৰি ইহঁতৰ বিশেষ ক্ষমতাক উজ্জ্বল কৰি তোলা হৈছে।
প্ৰধানমন্ত্ৰীয়ে কয় যে ভাৰতীয় জাতৰ কুকুৰে নিজৰ পৰিৱেশ আৰু পৰিস্থিতিৰ লগত সোনকালে খাপ খাই পৰে।
তেওঁ লগতে কয় যে বেংগালুৰুৰ চি আৰ পি এফৰ কুকুৰ প্ৰজনন আৰু প্ৰশিক্ষণ বিদ্যালয়ত ভাৰতীয় জাত যেনে মংগ্ৰেল, মুধোল হাউণ্ডছ, কম্বাই, আৰু পাণ্ডিকোনাক প্ৰশিক্ষণ দিয়া হৈছে। যোৱা বছৰ লক্ষ্ণৌত অনুষ্ঠিত অল ইণ্ডিয়া পুলিচ ডিউটি মিটত বিদেশী জাতক পৰাস্ত কৰি মুধোল হাউণ্ড ৰিয়াই প্ৰথম পুৰস্কাৰ লাভ কৰিছিল।
हिन्दुस्थान समाचार / Manoj Kumar Saikia
