কাঠমাণ্ডু, ২৬ অক্টোবৰ (হি.স.)। নেপালৰ অন্তৱৰ্তীকালীন চৰকাৰৰ প্ৰধানমন্ত্ৰী সুশিলা কাৰ্কিৰ মন্ত্ৰীসভাত দেওবাৰে মাত্ৰ দুজন নতুন মন্ত্ৰীকহে অন্তৰ্ভুক্ত কৰা হয়। আজি পুৱা চাৰিজন নতুন মন্ত্ৰীৰ পৰামৰ্শ দিয়াৰ পাছতো ৰাষ্ট্ৰপতি ভৱন ‘শীতল নিৱাছ’ত মাত্ৰ দুজন মন্ত্ৰীয়েহে শপত গ্ৰহণ কৰে। আন দুটা নাম বিতৰ্কিত হোৱাৰ পিছত শেষ মুহূৰ্তত আঁতৰাই দিয়া হয়।

আজি শপত গ্ৰহণ কৰাসকলৰ ভিতৰত আছে ড° সুধা গৌতম আৰু বাবলু গুপ্তা। ডাঃ গৌতমক স্বাস্থ্য মন্ত্ৰালয়ৰ দায়িত্ব দিয়াৰ বিপৰীতে গুপ্তাক যুৱ আৰু ক্ৰীড়া মন্ত্ৰালয়ৰ দায়িত্ব দিয়া হৈছে। প্ৰধানমন্ত্ৰী সুশীলা কাৰ্কিয়ে আজি পুৱা ৰাষ্ট্ৰপতিলৈ প্ৰেৰণ কৰিছিল চাৰিটা পৰামৰ্শ দিয়া নাম। ইয়াৰে শেষ মুহূৰ্তত শ্ৰম আৰু নিয়োগ মন্ত্ৰালয়ৰ বাবে পৰামৰ্শ দিয়া খগেন্দ্ৰ সুনাৰ আৰু সাংস্কৃতিক আৰু পৰ্যটন মন্ত্ৰালয়ৰ বাবে পৰামৰ্শ দিয়া গণপতি লাল শ্ৰেষ্ঠক আঁতৰাই দিয়া হয়। সুনাৰৰ বিৰুদ্ধে দুটা পৃথক গোচৰত আদালতে ৱাৰেণ্ট জাৰি কৰাৰ পিছতে সুনাৰৰ নাম প্ৰত্যাহাৰ কৰা হয়। সাংস্কৃতিক আৰু পৰ্যটন মন্ত্ৰালয়ৰ পৰিৱৰ্তে শেষ মুহূৰ্তত ভূমি সংস্কাৰ মন্ত্ৰালয়ৰ দায়িত্ব দিয়াৰ পিছতে শপত গ্ৰহণ কৰিবলৈ অস্বীকাৰ কৰে গণপতি লাল শ্ৰেষ্ঠই।

हिन्दुस्थान समाचार / অৰৱিন্দ