নতুন দিল্লী, ২৬ অক্টোবৰ (হি.স.)। ঘৰুৱা শ্বেয়াৰ বজাৰৰ ২৪ অক্টোবৰ শুকুৰবাৰে সমাপ্ত হোৱা ব্যৱসায়িক সপ্তাহত একেৰাহে চতুৰ্থ সপ্তাহৰ বাবে শক্তিশালী লাভৰ সৈতে বন্ধ হয়। বজাৰত চলি থকা উত্থানে চেন্সেক্স আৰু নিফটি দুয়োটা সূচকাংককে ৫২ সপ্তাহৰ উচ্চতম স্তৰলৈ ঠেলি দিলে।
২০২৪ চনৰ ৩০ ছেপ্টেম্বৰৰ পিছত প্ৰথমবাৰৰ বাবে চেন্সেক্স ৮৫,০০০ পইণ্টৰ ওপৰত মুকলি হয়। একেদৰে নিফটিয়েও ২০২৪ চনৰ ৩০ ছেপ্টেম্বৰৰ পিছত প্ৰথমবাৰৰ বাবে ২৬,০০০ পইণ্ট অতিক্ৰম কৰে সাপ্তাহিক ভিত্তিত। একেদৰে নিফটিৰ মূল্য ২৫,৭৯৫.১৫ পইণ্টত বন্ধ হয়, যিটো সাপ্তাহিক ভিত্তিত ৮৫.৩০ পইণ্ট বা ০.৩৩ শতাংশ বৃদ্ধি।
ভাৰত আৰু আমেৰিকাৰ মাজত বাণিজ্যিক চুক্তিৰ আশা, বিদেশী প্ৰতিষ্ঠানিক বিনিয়োগকাৰী (এফ আই আই)ৰ ক্ৰয় অব্যাহত থকা, আৰু দ্বিতীয় ত্ৰৈমাসিকৰ শক্তিশালী আয়ৰ ফলত ঘৰুৱা শ্বেয়াৰ বজাৰখনক সপ্তাহটোৰ বেছিভাগ সময় ইতিবাচক আমেজত ৰাখিছিল। এই উল্লাসৰ ফলত ২০২৫ চনত প্ৰথমবাৰৰ বাবে ঘৰুৱা শ্বেয়াৰ বজাৰে একেৰাহে চতুৰ্থ সপ্তাহৰ বাবে সাপ্তাহিকভাৱে লাভ পঞ্জীয়ন কৰে।
সোমবাৰ-শুকুৰবাৰৰ ব্যৱসায়ত বিএছই লাৰ্জ কেপ সূচকাংক সামান্য উচ্চতাৰে বন্ধ হয়। ইণ্ডাছ টাৱাৰ্ছ, ভোডাফোন আইডিয়া, শ্ৰীৰাম ফাইনেন্স, কামিন্স ইণ্ডিয়া, হিণ্ডালকো ইণ্ডাষ্ট্ৰীজ, আৰু ইনফ’ছিছৰ শ্বেয়াৰ সাপ্তাহিক ভিত্তিত ৫ৰ পৰা ১০ শতাংশ বৃদ্ধিৰে বন্ধ হয়। আনহাতে, চিজি পাৱাৰ এণ্ড ইণ্ডাষ্ট্ৰিয়েল ছলিউচন, আদানি প’ৰ্টছ এণ্ড স্পেচিয়েল ইকনমিক জ’ন, আইচিআইচিআই বেংক, ইটাৰ্নেল, হুণ্ডাই মটৰ ইণ্ডিয়া, হিন্দুস্তান ইউনিলিভাৰ, আল্ট্ৰাটেক চিমেণ্ট, আৰু শ্ৰী চিমেণ্ট শীৰ্ষ লোকচান ভৰিবলগীয়া হোৱা কোম্পানীৰ ভিতৰত আছিল।
একেদৰে ২৪ অক্টোবৰত সমাপ্ত হোৱা সপ্তাহটোৰ বাবে বিএছই মিড কেপ সূচকাংকই সাপ্তাহিকভাৱে ০.৫০ শতাংশ বৃদ্ধি লাভ কৰিবলৈ সক্ষম হয়।এ ইউ স্মল ফাইনেন্স বেংক, চেণ্ট্ৰেল বেংক অৱ ইণ্ডিয়া, আইডিএফচি ফাৰ্ষ্ট বেংক, ফেডাৰেল বেংক, চিআৰআইএছআইএল আৰু বন্ধন বেংকে সূচকাংকত শীৰ্ষ লাভ কৰা সকলৰ ভিতৰত অন্যতম। শীৰ্ষ হেৰুৱাৰ ভিতৰত আছিল অলা ইলেক্ট্ৰিক মবিলিটি, চুপ্ৰিম ইণ্ডাষ্ট্ৰীজ, ফৰ্টিছ হেল্থকেয়াৰ, ডালমিয়া ভাৰত, ডিক্সন টেকন’লজিছ, কেনছ টেকন’লজি ইণ্ডিয়া, আৰু এফ এছ এন ই-কমাৰ্চ ভেঞ্চাৰছ।
যোৱা সপ্তাহত বিএছই স্মলকেপ ইনডেক্সৰ সাপ্তাহিক ১ শতাংশ বৃদ্ধিৰে বন্ধ হয়। শীৰ্ষ লাভকাৰীসকলৰ ভিতৰত উত্তকৰ্ছ স্মল ফাইনেন্স বেংক, ভগেৰিয়া ইণ্ডাষ্ট্ৰীজ, শ্বিপিং কৰ্পৰেশ্যন অৱ ইণ্ডিয়া, ডিচিবি বেংক, আৰু ৰাজৰতন গ্ল’বেল ৱায়াৰৰ শ্বেয়াৰ সাপ্তাহিক ভিত্তিত ২১ৰ পৰা ৩৬ শতাংশ বৃদ্ধি পাইছে। গেলেণ্ট ইছপাট, এষ্টেক লাইফ চাইন্সেছ, ষ্টেলিয়ন ইণ্ডিয়া ফ্ল’ৰ’কেমিকেলছ, ইণ্ডো থাই ছিকিউৰিটিজ, জেনেছিছ ইণ্টাৰনেশ্যনেল কৰ্প’ৰেশ্যন, ইউনিপাৰ্টছ ইণ্ডিয়া, আৰু টানলা প্লেটফৰ্মছ আদি শীৰ্ষ হেৰুৱাৰ ভিতৰত আছিল।
যোৱা সপ্তাহৰ ব্যৱসায়িক অধিবেশনত খণ্ডগত প্ৰদৰ্শন শক্তিশালী আছিল, নিফ্টি আই টি সূচকাংক সাপ্তাহিক ভিত্তিত ৩ শতাংশ বেছিকৈ বন্ধ হৈছিল। পি এছ ইউ বেংকৰ সূচকাংকতো ২ শতাংশ বৃদ্ধি পোৱাৰ বিপৰীতে নিফটি মেটাল সূচকাংকতো ১.৫ শতাংশ জপিয়াই পৰিছে৷ নিফটি মিডিয়া সূচকাংকতো সাপ্তাহিক ভিত্তিত ১.৩ শতাংশ বৃদ্ধি পোৱাৰ বিপৰীতে নিফটি অইল এণ্ড গেছ সূচকাংক ১ শতাংশ বৃদ্ধিৰে বন্ধ হয়। আনহাতে, নিফটি এফএমচিজি সূচকাংক আৰু অটো সূচকাংক সাপ্তাহিক ভিত্তিত ০.৫০ শতাংশ হ্ৰাস পাইছে।
বিদেশী প্ৰতিষ্ঠানিক বিনিয়োগকাৰী (এফ আই আই) আৰু ঘৰুৱা প্ৰতিষ্ঠানিক বিনিয়োগকাৰী (ডি আই আই)ৰ ব্যৱসায়ৰ সন্দৰ্ভত বিগত সপ্তাহৰ ভিতৰত বিদেশী প্ৰতিষ্ঠানিক বিনিয়োগকাৰীসকল পুনৰবাৰ নিকা ক্ৰেতা হৈয়েই আছে। সোমবাৰৰ ব্যৱসায়িক অধিবেশনৰ পৰা শুকুৰবাৰৰ ব্যৱসায়িক অধিবেশনলৈকে বিদেশী বিনিয়োগকাৰীয়ে ঘৰুৱা শ্বেয়াৰ বজাৰত ৩৪২.৭৪ কোটি টকাৰ ইকুইটি ক্ৰয় কৰে। ইফালে, ঘৰুৱা প্ৰতিষ্ঠানিক বিনিয়োগকাৰীয়ে একেৰাহে ২৭ সপ্তাহৰ বাবে ক্ৰয়ৰ ধুমুহা অব্যাহত ৰাখিছে। সপ্তাহটোৰ ব্যৱসায়ৰ সময়ছোৱাত ঘৰুৱা প্ৰতিষ্ঠানিক বিনিয়োগকাৰীয়ে ৫,৯৪৫.৩১ কোটি ₹ৰ ইকুইটি ক্ৰয় কৰে।
हिन्दुस्थान समाचार / অৰৱিন্দ
30 Oct 2025
