বাৰামুল্লা, ২৬ অক্টোবৰ (হি.স.)। উত্তৰ কাশ্মীৰৰ বাৰামুল্লা জিলাৰ ৰফিয়াবাদৰ ড’গ্ৰীপোৰা বনাঞ্চলত অভিযান চলাৰ সময়ত সেনাই দুটা পুৰণি গোলা উদ্ধাৰ কৰে। বিষয়াসকলে জনোৱা মতে, পিছত বোমা নিষ্কাশন দলে গোলাবোৰ নিৰাপদে ধ্বংস কৰে।
প্ৰতিৰক্ষা সূত্ৰৰ পৰা জানিব পৰা মতে ডগ্ৰীপোৰা বনাঞ্চলত নিয়মীয়াকৈ অনুসন্ধান চলাই ৩২ ৰাষ্ট্ৰীয় ৰাইফলছৰ জোৱানে দুটা সন্দেহজনক ধাতুৰ বস্তু ধৰা পেলাইছে। লগে লগে দৃশ্যটো ঘেৰাও কৰি ৰখা হয় আৰু বিস্ফোৰকসমূহ পৰীক্ষা কৰি নিষ্ক্ৰিয় কৰিবলৈ বোমা নিষ্কাশনকাৰী দল এটা মাতি অনা হয়।
সঠিক কাৰিকৰী মূল্যায়ন আৰু সুৰক্ষাৰ প্ৰট’কল মানি চলাৰ পিছত বিডিএছ স্কোয়াডে নিয়ন্ত্ৰিত বিস্ফোৰণত দুয়োটা গোলা ধ্বংস কৰে। কোনো ধৰণৰ ক্ষতি বা আঘাত নোহোৱাকৈয়ে অপাৰেচনটো সুচাৰুৰূপে আগবাঢ়িছিল। উদ্ধাৰ হোৱা খোলাবোৰ পুৰণি আৰু মৰিছা পৰা যেন দেখা গৈছে।
हिन्दुस्थान समाचार / মনোজ কুমাৰ শইকীয়া
