নতুন দিল্লী, ২১ অক্টোবৰ (হি.স.)। জাপানৰ প্ৰধানমন্ত্ৰী হিচাপে নিৰ্বাচিত হোৱা ছানাই তাকাইচিক প্ৰধানমন্ত্ৰী নৰেন্দ্ৰ মোদীয়ে আন্তৰিক অভিনন্দন জ্ঞাপন কৰিছে। অভিনন্দন বাৰ্তাত তেওঁ ভাৰত আৰু জাপানৰ মাজত বিশেষ কৌশলগত আৰু বিশ্বব্যাপী অংশীদাৰিত্ব আৰু অধিক শক্তিশালী কৰাৰ প্ৰতিশ্ৰুতি প্ৰকাশ কৰে।

প্ৰধানমন্ত্ৰী মোদীয়ে এক্সক এটা পোষ্টত লিখিছে, ছানাই তাকাইচি, আপোনাৰ জাপানৰ প্ৰধানমন্ত্ৰী হিচাপে নিৰ্বাচিত হোৱাৰ বাবে আন্তৰিক অভিনন্দন। ভাৰত-জাপান বিশেষ কৌশলগত আৰু বিশ্বব্যাপী অংশীদাৰিত্বক অধিক শক্তিশালী কৰাৰ বাবে আপোনাৰ সৈতে ঘনিষ্ঠভাৱে কাম কৰিবলৈ আগ্ৰহী। সমগ্ৰ ভাৰত-প্ৰশান্ত মহাসাগৰীয় আৰু ইয়াৰ বাহিৰত শান্তি, স্থিতিশীলতা, আৰু সমৃদ্ধিৰ বাবে আমাৰ গভীৰ সম্পৰ্ক অতি প্ৰয়োজনীয়।

উল্লেখযোগ্য যে সংসদৰ নিম্ন সদনত আজি ২১ অক্টোবৰত জাপানৰ ১০৪ সংখ্যক প্ৰধানমন্ত্ৰী হিচাপে টাকাইচি নিৰ্বাচিত হয়। ইয়াৰ পূৰ্বে ৪ অক্টোবৰত শ্বিনজিৰো কইজুমিৰ বিৰুদ্ধে উপ-নিৰ্বাচনত জয়লাভ কৰি এলডিপিৰ নেতা নিৰ্বাচিত হৈছিল।

हिन्दुस्थान समाचार / মনোজ কুমাৰ শইকীয়া