-ইউনিফৰ্ম পিন্ধা পুৰুষৰ পৰম ত্যাগৰ কথা ৰোমন্থন
গুৱাহাটী, ২১ অক্টোবৰ (হি.স.)। আৰক্ষী স্মৃতি দিৱস উপলক্ষে, কৰ্তব্যৰত অৱস্থাত সৰ্বোচ্চ ত্যাগ কৰা সাহসী আৰক্ষী জোৱান সকলক অসমৰ ৰাজ্যপাল লক্ষ্মণ প্ৰসাদ আচাৰ্যই আন্তৰিক শ্ৰদ্ধাঞ্জলি জ্ঞাপন কৰে। আজি মহানগৰীৰ কাহিলীপাৰা স্থিত দশম অসম আৰক্ষী বেটেলিয়নৰ মুখ্য কাৰ্যালয়ত অনুষ্ঠিত উক্ত গুৰ গম্ভীৰ অনুষ্ঠানত ৰাজ্যপাল গৰাকী অংশগ্ৰহণ কৰিছিল ।
মন কৰিবলগীয়া যে জাতি আৰু জনসাধাৰণক ৰক্ষা কৰাৰ লগতে নিজৰ প্ৰাণ আহুতি দিয়া আৰক্ষী কৰ্মীসকলৰ অসাধাৰণ সাহস, নিষ্ঠা আৰু ত্যাগক সন্মান জনাই দেশজুৰি আৰক্ষী স্মৃতি দিৱস পালন কৰা হয়।
ৰাজ্যপাল আচাৰ্যই তেওঁৰ বাৰ্তাত কয়, ‘আৰক্ষী স্মৃতি দিৱসত আমাৰ আৰক্ষী কৰ্মী সকলৰ বীৰ আৰু নিস্বাৰ্থতাৰ কথা সোঁৱৰাই দিয়ে, যিসকলে আমাৰ প্ৰাণ ৰক্ষাৰ বাবে নিজৰ জীৱনকো তুচ্ছ-জ্ঞান কৰে আৰু প্ৰায়ে আত্মনিয়োগ কৰে।তেওঁলোকৰ কৰ্তব্যৰ প্ৰতি থকা সমৰ্পণে, আনকি ভয়াৱহ বিপদৰ সন্মুখীন হৈও, আমাক সকলোকে অনুপ্ৰাণিত কৰে আৰু তেওঁলোকে থিয় দিয়া মূল্যবোধক ৰক্ষা কৰাৰ সংকল্পক শক্তিশালী কৰে।”
কৰ্তব্যৰ আহ্বানত প্ৰাণ হেৰুওৱা সাহসী হৃদয়ক স্মৰণ কৰি ৰাজ্যপাল গৰাকীয়ে তেওঁলোকৰ পৰিয়াললৈ গভীৰ শ্ৰদ্ধা আৰু কৃতজ্ঞতা জ্ঞাপন কৰে। তেওঁ প্ৰায়ে অতি প্ৰত্যাহ্বান জনক পৰিস্থিতিত আভ্যন্তৰীণ নিৰাপত্তা আৰু জনশান্তি বজাই ৰখাৰ ক্ষেত্ৰত আৰক্ষী বাহিনীয়ে লোৱা গুৰুত্বপূৰ্ণ ভূমিকাকো স্বীকাৰ কৰে। অনুষ্ঠানত ডিজিপি, অসম হৰমীত সিঙৰ লগতে জ্যেষ্ঠ আৰক্ষী বিষয়াসকলে সমবেত হৈ সেৱা আৰু ত্যাগৰ আদৰ্শৰ প্ৰতি নিজৰ দায়বদ্ধতা পুনৰ দৃঢ় কৰে।
হিন্দুস্থান সমাচাৰ / অৰৱিন্দ
