নতুন দিল্লী, ১৯ অক্টোবৰ (হি.স.)। প্ৰতিৰক্ষা মন্ত্ৰী ৰাজনাথ সিঙে অহা ২১ অক্টোবৰত আৰক্ষী স্মৃতি দিৱসত নতুন দিল্লীৰ ৰাষ্ট্ৰীয় আৰক্ষী স্মৃতিসৌধত শ্বহীদ আৰক্ষী জোৱানক শ্ৰদ্ধাঞ্জলি জ্ঞাপন কৰিব । মূল অনুষ্ঠানৰূপে ইয়াত কেন্দ্ৰীয় সশস্ত্ৰ আৰক্ষী বাহিনী আৰু দিল্লী আৰক্ষীৰ যৌথ পেৰেড অনুষ্ঠিত হ’ব।

গৃহ মন্ত্ৰালয়ৰ তথ্য অনুসৰি প্ৰতিৰক্ষা মন্ত্ৰীগৰাকীৰ সৈতে গৃহ পৰিক্ৰমা ৰাজ্যিক মন্ত্ৰী, চিএপিএফ আৰু চিপিঅ’ৰ মুৰব্বী, অৱসৰপ্ৰাপ্ত আৰক্ষী সঞ্চালক প্ৰধান (ডিজিপি), আৰু অন্যান্য বিষয়াসকলে মাল্যাৰ্পণ কৰিব। এই অনুষ্ঠানৰ সময়ত প্ৰতিৰক্ষা মন্ত্ৰীগৰাকীয়ে শ্বহীদসকলৰ সাহসিকতাক স্মৰণ কৰাৰ লগতে আৰক্ষী বাহিনীয়ে সন্মুখীন হোৱা প্ৰত্যাহ্বানসমূহৰ ওপৰত নিজৰ মতামত ব্যক্ত কৰিব। হট স্প্ৰিংছৰ শ্বহীদ স্মাৰকত মাল্যাৰ্পণেৰে অনুষ্ঠানৰ সামৰণি পৰিব। ২২ অক্টোবৰৰ পৰা ৩০ অক্টোবৰলৈ ইয়াত কেইবাটাও অনুষ্ঠান অনুষ্ঠিত হ’ব। এই অনুষ্ঠানসমূহৰ ভিতৰত শ্বহীদৰ পৰিয়ালৰ ভ্ৰমণ, আৰক্ষী বেণ্ডৰ পৰিবেশন, মটৰ চাইকেল ৰেলী, শ্বহীদৰ বাবে দৌৰ, ৰক্তদান শিবিৰ, ৰচনা আৰু চিত্ৰকলা প্ৰতিযোগিতা আদি অনুষ্ঠিত হ'ব। এই অনুষ্ঠানসমূহৰ উদ্দেশ্য হৈছে আৰক্ষী বাহিনীৰ সাহস, ত্যাগ, সেৱাক স্মৰণ কৰা।

উল্লেখযোগ্য যে ১৯৫৯ চনত লাডাখৰ হট স্প্ৰিংছত চীনৰ এম্বুছত শ্বহীদ হোৱা দহজন বীৰ আৰক্ষীৰ স্মৃতিত প্ৰতি বছৰে ২১ অক্টোবৰত আৰক্ষী স্মৃতি দিৱস পালন কৰা হয়।

हिन्दुस्थान समाचार / মনোজ কুমাৰ শইকীয়া