নতুন দিল্লী, ১৯ অক্টোবৰ (হি.স.)। কেন্দ্ৰীয় চৰকাৰে চাৰিখন ৰাজ্যত নটাৰী পাব্লিকৰ সংখ্যা বৃদ্ধি কৰিছে। আইন আৰু ন্যায় মন্ত্ৰালয়ৰ আইনী পৰিক্ৰমা বিভাগে নটাৰী (সংশোধনী) নিয়ম, ২০২৫ৰ বিষয়ে অধিসূচিত কৰে। এই অধিসূচনা জি.এছ.আৰ. ৭৬৩(ই) হিচাপে ১৭ অক্টোবৰত জাৰি কৰা হৈছিল। সেই অনুসৰি গেজেটত প্ৰকাশ পোৱাৰ তাৰিখৰ পৰাই নতুন নিয়ম কাৰ্যকৰী হৈছিল।

কেন্দ্ৰীয় আইন আৰু ন্যায় মন্ত্ৰালয়ৰ তথ্য অনুসৰি চৰকাৰে গুজৰাট, তামিলনাডু, ৰাজস্থান, আৰু নাগালেণ্ডত সৰ্বাধিক নটাৰী পাব্লিকৰ সংখ্যা বৃদ্ধি কৰাৰ সিদ্ধান্ত লৈছে। গুজৰাটত নটাৰী পাব্লিকৰ সংখ্যা ২৯০০ৰ পৰা ৬০০০লৈ, তামিলনাডুত ২৫০০ৰ পৰা ৩৫০০লৈ, ৰাজস্থানত ২০০০ৰ পৰা ৩০০০লৈ আৰু নাগালেণ্ডত ২০০ৰ পৰা ৪০০লৈ নটাৰীৰ সংখ্যা বৃদ্ধি কৰা হৈছে।

১৯৫২ চনৰ নটাৰী আইনৰ ১৫ নং ধাৰাত এই পৰিৱৰ্তন কৰা হৈছে। ৰাজ্য চৰকাৰৰ অনুৰোধৰ প্ৰতি সঁহাৰি জনাই এই পদক্ষেপ লোৱা বুলি মন্ত্ৰালয়ে উল্লেখ কৰিছে। জনসংখ্যা বৃদ্ধি আৰু ৰাজ্যসমূহত প্ৰশাসনিক ইউনিটৰ সংখ্যা বৃদ্ধিৰ লগে লগে নটাৰী সেৱাৰ চাহিদাও বৃদ্ধি পাইছে।

हिन्दुस्थान समाचार / অৰৱিন্দ