নতুন দিল্লী, ১৭ অক্টোবৰ (হি.স.)। দীপাৱলীৰ পূৰ্বে ভাৰতীয় গ্ৰাহকৰ বাবে এক উল্লেখযোগ্য খবৰ ঘোষণা কৰিছে নিছান মটৰ ইণ্ডিয়াই। এতিয়া কোম্পানীটোৱে নিজৰ জনপ্ৰিয় কমপেক্ট এছ ইউ ভি নিছান মেগনাইটৰ অটোমেটিক (ইজেড-শ্বিফ্ট) ভেৰিয়েণ্টৰ বাবে চি এন জি ৰেট্ৰ’ফিটমেণ্ট মুকলি কৰিছে। পূৰ্বতে এই বৈশিষ্ট্য কেৱল মেনুৱেল ভেৰিয়েণ্টৰ বাবেহে উপলব্ধ আছিল যদিও গ্ৰাহকৰ অতিশয় সঁহাৰিৰ বাবে কোম্পানীয়ে এতিয়া ইয়াক স্বয়ংক্ৰিয় মডেললৈও সম্প্ৰসাৰিত কৰিছে।

শুকুৰবাৰে নিছান মটৰ ইণ্ডিয়াই চিএনজি ৰেট্ৰ’ফিটমেণ্ট কাৰ্যসূচী সম্প্ৰসাৰণৰ কথা ঘোষণা কৰে। শেহতীয়াকৈ জি এছ টি কাউন্সিলে সামগ্ৰী আৰু সেৱা কৰ (জি এছ টি)ৰ হাৰ ২৮%ৰ পৰা ১৮%লৈ হ্ৰাস কৰাৰ সিদ্ধান্তৰ পিছত কোম্পানীটোৱে চি এন জি ৰেট্ৰ’ফিটমেণ্ট কিটৰ মূল্য ৭১,৯৯৯ ₹লৈ হ্ৰাস কৰিছে। সমগ্ৰ ভাৰতৰ সকলো অনুমোদিত নিছান চিএনজি ৰেট্ৰ’ফিটমেণ্ট চেণ্টাৰত ২২ ছেপ্টেম্বৰৰ পৰা কাৰ্যকৰী হ’ব এই নতুন মূল্য। কোম্পানীটোৱে কয় যে চিএনজি ৰেট্ৰ’ফিটৰ সুবিধা উন্নীত কৰাৰ পিছতো কোনো মূল্য বৃদ্ধি হোৱা নাই।

কোম্পানীটোৱে জনোৱা মতে, এতিয়া নতুন নিছান মেগনাইট বিআৰ১০ ইজেড-শ্বিফ্ট (এএমটি)ৰ বাবে চৰকাৰী প্ৰমাণিত চিএনজি ৰেট্ৰ’ফিটমেণ্টৰ ব্যৱস্থা কৰিছে। নতুন নিছান মেগনাইট বিআৰ১০ মেনুৱেল ট্ৰেন্সমিছনৰ ৰেট্ৰ’ফিটমেণ্টৰ প্ৰতি গ্ৰাহকৰ আপ্লুত সঁহাৰিৰ পোহৰত এই পদক্ষেপ আৰম্ভ কৰা হৈছিল। নিছান ইণ্ডিয়া মটৰে কয় যে এই পদক্ষেপে নিছানৰ সুলভ, দক্ষ, আৰু গ্ৰাহককেন্দ্ৰিক গতিশীলতা সমাধান প্ৰদানৰ প্ৰতিশ্ৰুতিৰ আন এক উল্লেখযোগ্য মাইলৰ খুঁটি প্ৰতিনিধিত্ব কৰে।

কোম্পানীটোৱে পুনৰ অভিযন্তা কৰা ইন্ধন ব্যৱস্থাও আগবঢ়াইছে। চিএনজি ভৰোৱা ভালভটো এতিয়া বৰ্তমানৰ ইন্ধন ভৰোৱা ঢাকনিৰ সৈতে সংযুক্ত কৰা হৈছে, পূৰ্বৰ ইঞ্জিন কম্পাৰ্টমেণ্টৰ স্থান সলনি কৰা হৈছে। এই পদক্ষেপে গ্ৰাহকৰ বাবে অধিক সুবিধা, দ্ৰুত ইন্ধন ভৰোৱা, আৰু উন্নত এৰগ’নমিক্স প্ৰদান কৰিব। চিএনজি ৰেট্ৰ’ফিটৰ সৈতে নতুন নিছান মেগনাইটৰ ৱাৰেণ্টী থাকিব ৩ বছৰ বা এক লাখ কিলোমিটাৰ। কোম্পানীটোৱে উল্লেখ কৰিছে যে সমগ্ৰ ভাৰতৰ ১৩খন ৰাজ্যৰ অনুমোদিত কেন্দ্ৰৰ জৰিয়তে চিএনজি ৰেট্ৰ’ফিট কিট উপলব্ধ।

এই ঘোষণাৰ সন্দৰ্ভত মন্তব্য কৰি নিছান মটৰ ইণ্ডিয়াৰ পৰিচালন সঞ্চালক সৌৰভ ভাটছে এক বিবৃতিত কয় যে, নতুন নিছান মেগনাইট বিআৰ১০ ইজেড-শ্বিফ্ট (এএমটি)ৰ বাবে ৰেট্ৰ'ফিটমেণ্ট কাৰ্যসূচী সম্প্ৰসাৰণ কৰি চিএনজি ইন্ধনৰ দিশত আমাৰ যাত্ৰাত আৰু এখোজ আগুৱাই নিবলৈ পাই আনন্দিত হৈছো। এই পদক্ষেপ গ্ৰাহকৰ প্ৰয়োজনীয়তাৰ ওপৰত আমাৰ অবিৰত মনোনিৱেশৰ ফল।

हिन्दुस्थान समाचार / মনোজ কুমাৰ শইকীয়া