- প্ৰখ্যাত গীতিকাৰ প্ৰসুন যোশীলৈ ৰাষ্ট্ৰীয় কিশোৰ কুমাৰ বঁটা প্ৰদান
ভূপাল, ১৪ অক্টোবৰ (হি.স.)। মধ্যপ্ৰদেশ চৰকাৰৰ সাংস্কৃতিক বিভাগে খাণ্ডৱা জিলা প্ৰশাসনৰ সহযোগত প্ৰতি বছৰে কিংবদন্তি শিল্পী কিশোৰ কুমাৰৰ মৃত্যু বাৰ্ষিকী উপলক্ষে ৰাষ্ট্ৰীয় কিশোৰ কুমাৰ সন্মান সমাৰোহ অনুষ্ঠানৰ আয়োজন কৰি আহিছে। দুদিনীয়া এই অনুষ্ঠানত আজি ৰাষ্ট্ৰীয় কিশোৰ কুমাৰ বঁটাৰে প্ৰখ্যাত গীতিকাৰ প্ৰসুন যোশীক সন্মানিত কৰা হ'ব ।
মুখ্য অতিথি মুখ্যমন্ত্ৰী ড০ মোহন যাদৱৰ ভাৰ্চুৱেল উপস্থিতিত কিশোৰ কুমাৰ বঁটা প্ৰদান কৰা হ’ব। জনজাতি পৰিক্ৰমা মন্ত্ৰী কুঁৱৰ বিজয় শ্বাহ, সাংসদ জ্ঞানেশ্বৰ পাটিল, বিধায়ক নাৰায়ণ সিং পেটেল, কাঞ্চন মুকেশ তনভে, আৰু বিচয়া গোবিন্দ ম’ৰে এই অনুষ্ঠানত শোভা বঢ়াব। সন্মান সমাৰোহৰ পিছত কিশোৰ কুমাৰৰ গীতৰ সুৰীয়া পৰিবেশন আগবঢ়াব মুম্বাইৰ হেমন্ত কুমাৰ মিউজিকেল গ্ৰুপে। এই কাৰ্যসূচীত প্ৰৱেশ বিনামূলীয়া হ’ব।
এই পৰ্যন্ত চলচ্চিত্ৰ জগতৰ ২৭ গৰাকী প্ৰখ্যাত ব্যক্তিক জনোৱা হৈছে সম্বৰ্ধনা
উল্লেখ্য যে ১৯৯৭ চনৰ পৰা কিংবদন্তি গায়ক কিশোৰ কুমাৰৰ স্মৃতিত সংস্কৃতি বিভাগে এই বঁটা প্ৰদান কৰি আহিছে। এতিয়ালৈকে ২৭ গৰাকী ব্যক্তিক এই বঁটাৰে সন্মানিত কৰা হৈছে। এই বঁটাৰ ভিতৰত আছে ৫ লাখ টকাৰ কৰমুক্ত ৰাশি আৰু এখন ফলক। অভিনয়, চিত্ৰনাট্য, গীতৰ ৰচনা, আৰু পৰিচালনাৰ ক্ষেত্ৰত অসাধাৰণ কামৰ বাবে এই বঁটা প্ৰদান কৰা হয়। ১৯৯৭-১৯৯৮ চনৰ পৰা সাতজন পৰিচালক, অভিনেতা, চিত্ৰনাট্যকাৰক সন্মান জনোৱা হৈছে। ২০২৪-২৫ বৰ্ষৰ কিশোৰ কুমাৰ বঁটা গীতিকাৰ প্ৰসুন যোশীক প্ৰদান কৰা হ'ব। ২৮ সংখ্যক কিশোৰ কুমাৰ বঁটাৰে সন্মানিত হ’ব লগা প্ৰসুন যোশী সপ্তমজন গীতিকাৰ।
हिन्दुस्थान समाचार / অৰৱিন্দ
