যোৰহাট, ১২ অক্টোবৰ (হি.স.)। যোৰহাট চেঙেলী গাঁৱৰ ২১ বছৰীয়া প্ৰীতম দত্ত নামৰ যুৱক জনক শনিবাৰে ভোগদৈ আৰক্ষী চকীৰ বৰ্ণালী গোহাঁই ৰ নেতৃত্বত যোৱা আৰক্ষীয়ে চুৰি সংক্ৰান্তীয় অভিযোগত আটক কৰি আনিছিল নিশা প্রায় ১১ বাজি ৪৫ মিনিটত । কিন্তু ৰহস্যজনক ভাৱে আজি দুপৰীয়া প্ৰায় ১০ বাজি ৩৫ মিনিটত ভোগদৈ আৰক্ষী চকীৰ পৰা ফোন কৰি পৰিয়ালৰ লোকক যুৱকজনে আত্মহত্যা কৰিছে বুলি জানিবলৈ দিয়ে ।

কিন্তু পৰিয়ালৰ লোকে এই আত্মহত্যাক সহজভাৱে মানি লব পৰা নাই । বৰ্তমান যোৰহাট মেডিকেল কলেজ হস্পিতালৰ মৰ্গত মৃতদেহটো মৰোণত্তৰ পৰীক্ষাৰ বাবে ৰখা হৈছে । মৰোণত্তৰ পৰীক্ষাৰ প্ৰতিবেদন প্ৰকাশ পোৱাৰ পিছত নিশ্চিত কৰিব পৰা যাব যুৱকজনে আত্মহত্যা কৰিছে নে আৰক্ষীৰ আতিসহ্য় সহিব নোৱাৰি যুৱকজনে আত্মহত্যা কৰিছে।

হিন্দুস্থান সমাচাৰ / কিশোৰ মিশ্ৰ