বলীউডৰ হি-মেন ধৰ্মেন্দ্ৰই নিজৰ ছবিৰ লগতে ব্যক্তিগত জীৱনৰ বাবে সদায় বাতৰিৰ শিৰোনাম দখল কৰি আহিছে। তেওঁৰ চলচ্চিত্ৰ কেৰিয়াৰ আৰম্ভ হোৱাৰ পূৰ্বে প্ৰকাশ কৌৰৰ সৈতে বিবাহপাশত আবদ্ধ হয়। চলচ্চিত্ৰ জগতত প্ৰৱেশ কৰাৰ পিছত অভিনেত্ৰী হেমা মালিনীৰ সৈতে তেওঁৰ সম্পৰ্ক আছিল, আনকি দুয়োৰে বিবাহ হয়। কিন্তু এতিয়া পুত্ৰ ববি দেউলে প্ৰকাশ কৰিছে যে ধৰ্মেন্দ্ৰ এতিয়াও প্ৰথম পত্নী প্ৰকাশ কৌৰৰ সৈতে থাকে।

কথা-বতৰাৰ সময়ত যেতিয়া ববি দেউলক ধৰ্মেন্দ্ৰৰ ছ’চিয়েল মিডিয়া পোষ্ট সন্দৰ্ভত প্ৰশ্ন কৰা হৈছিল, যিবোৰে প্ৰায়ে নিসংগতাৰ প্ৰতিফলন ঘটায়, তেতিয়া তেওঁ কয়, মোৰ মাও আছে। পিতৃ-মাতৃ দুয়োজনেই বৰ্তমান খাণ্ডালাৰ ফাৰ্মত আছে। তেওঁলোক ইজনে সিজনৰ লগত আছে। মাথোঁ দেউতা অলপ ফিল্মী, গতিকে তেওঁ নিজৰ অনুভৱবোৰ ছ'চিয়েল মিডিয়াত অধিক মুকলিকৈ শ্বেয়াৰ কৰে। তেওঁ ফাৰ্ম হাউচত থাকি ভাল পায়। এতিয়া যেতিয়া তেওঁৰ বয়স বাঢ়িছে, সেয়েহে তাত থাকি ভাল পায়।

পাপা বৰ আৱেগিক; তেওঁ হৃদয়ৰ পৰা লিখে

ববিয়ে কয় যে ধৰ্মেন্দ্ৰ এজন অতি আৱেগিক ব্যক্তি। পাপাই নিজৰ হৃদয়ৰ অনুভৱবোৰ সকলোৰে লগত শ্বেয়াৰ কৰে। কেতিয়াবা বেছিকৈ কয়, আৰু মই সুধিছো যে তেওঁ কিয় তেনেকুৱা লিখিছে। তেওঁ কয় যে তেওঁ মাত্ৰ হৃদয়ৰ পৰাই লিখিছে। কেতিয়াবা, যেতিয়া আমি কামত ব্যস্ত হৈ থাকোঁ আৰু তেওঁক লগ কৰিব নোৱাৰো, তেতিয়া তেওঁ অলপ আৱেগিক হৈ পৰে। তেওঁৰ পোষ্টবোৰে কিমান মানুহৰ ওচৰলৈ যায়, তেতিয়াও তেওঁ গম নাপায়।

ববিয়ে মাক প্ৰকাশ কৌৰৰ বিষয়েও মুকলিকৈ কয় যে, মানুহে মোৰ মাৰ বিষয়ে খুব কমেইহে সুধিব কাৰণ মোৰ দেউতা আৰু ভাই অভিনেতা। কিন্তু মোৰ মা মোৰ বাবে সকলো। মই তেওঁৰ প্ৰিয়। আমি প্ৰতিদিনে কথা পাতো; তেওঁ মোৰ জীৱনৰ আটাইতকৈ শক্তিশালী মহিলা। মোৰ দেউতা আজি যি স্থানত আছে, তাৰ আঁৰত মাৰ এক বৃহৎ সমৰ্থন আগবঢ়াইছে।

हिन्दुस्थान समाचार / অৰৱিন্দ