নতুন দিল্লী, ১১ অক্টোবৰ (হি.স.)। সমাজবাদী পাৰ্টিৰ ৰাষ্ট্ৰীয় সভাপতি অখিলেশ যাদৱৰ ফেচবুক একাউণ্ট ১২ ঘণ্টা ধৰি ব্লক কৰা হয়। সমাজবাদী পাৰ্টিয়ে এই কাৰ্যক গণতন্ত্ৰৰ ওপৰত আক্ৰমণ বুলি অভিহিত কৰে। তথ্য আৰু সম্প্ৰচাৰ মন্ত্ৰী অশ্বিনী বৈষ্ণৱে এই অভিযোগৰ সৈতে কোনো ধৰণৰ চৰকাৰী জড়িততা অস্বীকাৰ কৰে।

শনিবাৰে বৈষ্ণৱে সংবাদ মাধ্যমৰ ব্রিফিঙত উল্লেখ কৰে যে এই কার্যত চৰকাৰৰ কোনো ভূমিকা নাই৷ ফেচবুকৰ নীতি বিশেষকৈ গালি-গালাজ কৰা ভাষা উলংঘাৰ বাবে অখিলেশ যাদৱৰ পেজটো আঁতৰাই দিয়া হয়। বৈষ্ণৱে এই কাৰ্যত চৰকাৰৰ কোনো জড়িততা নাই বুলি উল্লেখ কৰে।

উল্লেখযোগ্য যে শুকুৰবাৰে নিশা অখিলেশ যাদৱৰ ফেচবুক একাউণ্ট ব্লক কৰা হৈছিল। তেওঁৰ আঠ মিলিয়ন ফেচবুক ফ’ল’ৱাৰ আছে। সমাজবাদী পাৰ্টিৰ আই টি টিমে এই সন্দৰ্ভত মেটাক অৱগত কৰে আৰু শনিবাৰে বিয়লি পুনৰ সংস্থাপন কৰা হয়। মেটাই নিজৰ ফেচবুক পেজত হিংসাত্মক আৰু অশ্লীল পোষ্টৰ বাবেই এই পদক্ষেপ গ্ৰহণ কৰে। মেটাৰ এই কাৰ্যৰ বাবে চৰকাৰক জগৰীয়া কৰে এছ পি নেতাসকলে। আৰক্ষী অধীক্ষকৰ মুখপাত্ৰ ফখৰুল হাছান চান্দে অভিযোগ কৰে যে এই পেজ নিলম্বন কেন্দ্ৰীয় বিজেপি চৰকাৰে বিৰোধী কণ্ঠ দমনৰ প্ৰয়াস। চৰকাৰী হেঁচা অবিহনে অখিলেশৰ ভেৰিফাইড একাউণ্ট বন্ধ কৰিব নোৱাৰিব।

हिन्दुस्थान समाचार / মনোজ কুমাৰ শইকীয়া