দেওবন্দ, ১১ অক্টোবৰ (হি.স.)। আফগানিস্তানৰ তালিবান চৰকাৰৰ বৈদেশিক মন্ত্ৰী আমিৰ খান মুত্তকীয়ে শনিবাৰে প্ৰখ্যাত ইছলামিক শিক্ষানুষ্ঠান দেওবন্দ দাৰুল উলুমত উপস্থিত হয় যদিও বৃহৎ জনসমাগমৰ বাবে তেওঁৰ ভাষণত বাধা আৰোপ কৰা হয়। তেওঁৰ লগত আছিল ১৫ জন বিশিষ্ট পণ্ডিত। কঠোৰ নিৰাপত্তাৰ ব্যৱস্থা থকাৰ পিছতো ভিৰ ইমানেই আৱৰি ধৰিলে যে সম্বোধনৰ কাৰ্যসূচী পিছুৱাই দিব লগা হ’ল। ৫ বজালৈকে দেওবন্দ দাৰুল উলুমত থকাৰ কথা আছিল যদিও ভিৰৰ বাবে আৰু কোনো ধৰণৰ ব্যাঘাত নপৰিবলৈ তেওঁ ২:৩০ বজাত দেওবন্দৰ পৰা ওলাই যায়।

দেওবন্দ দাৰুল উলুমত তেওঁক উষ্ম আদৰণি জনোৱা হয়, আৰু দেওবন্দ দাৰুল উলুমৰ প্ৰধান অধ্যক্ষ মৌলানা মুফতি আবুল কাছিম নোমানীৰ তত্বাৱধানত সমগ্ৰ আদৰণি কাৰ্যসূচীৰ পৰিকল্পনা কৰা হয়। আদৰণিত আনন্দিত হৈ মুত্তাকীয়ে কয় যে তেওঁৰ আদৰণি সদায় মনত ৰাখিব।

সংবাদ মাধ্যমৰ সৈতে হোৱা চমু কথা-বতৰাৰ সময়ত মুত্তকীয়ে উল্লেখ কৰে যে দেওবন্দ দাৰুল উলুম তেওঁৰ মাদাৰ-ই-ইলমি (শিক্ষাৰ মাতৃ) ।

আমিৰ খান মুত্তকীয়ে দেওবন্দ দাৰুল উলুমক সম্বোধন কৰিব নোৱাৰিলেও হাদীছ পঢ়োৱাৰ অনুমতি লাভ কৰিলে। শিক্ষানুষ্ঠানৰ অধ্যক্ষ মৌলানা মুফতি আবুল কাছিম নোমানীৰ পৰা হাদীছৰ পাঠ গ্ৰহণ কৰি শিক্ষকতা কৰি যাবলৈ অনুমতি লাভ কৰে। ইয়াৰ পিছত প্ৰধান অধ্যক্ষই তেওঁক হাদীছ-ই-চনদ প্ৰদান কৰে। এই ছনদৰ সৈতে তেওঁৰ নামত এতিয়া কাছমী প্ৰত্যয় কৰা হৈছে। তেওঁ এতিয়া নিজৰ নামৰ পিছত কাছমী লিখিব পাৰিব।

শিক্ষাৰ্থী সমাজৰ মাজত আনন্দৰ লহৰ-

দেওবন্দ দাৰুল উলুমত উপস্থিত হোৱাৰ লগে লগে শিক্ষাৰ্থীসকলে তেওঁক উষ্ম আদৰণি জনায়। ৰাতিপুৱা ৮ বজাত দিল্লীৰ পৰা ওলাই আহি প্ৰায় ১২ বজাত দাৰুল উলুম দেওবন্দত উপস্থিত হয়। তেওঁক আদৰিবলৈ গোট খোৱা ভিৰ ইমানেই বেছি আছিল যে শিক্ষাৰ্থীসকলক আঁতৰাই বাবে বাট মুকলি কৰিবলৈ আৰক্ষীয়ে সংগ্ৰাম কৰিবলগীয়া হৈছিল। এছ এছ পিয়ে নিজেই দায়িত্ব ল’বলগীয়া হৈছিল। এই সময়ছোৱাত নিৰাপত্তাজনিত কাৰণত দেওবন্দত আৰক্ষী আৰু চোৰাংচোৱা সংস্থা সষ্টম হৈ থাকে।

বৈদেশিক মন্ত্ৰী আমিৰ খান মুত্তকীৰ যোৱাৰ পিছত সংবাদ মাধ্যমৰ সৈতে হোৱা এক সাক্ষাৎকাৰত মৌলানা আৰ্ছাদ মাদানীয়ে কয় যে, আফগানিস্তানৰ সৈতে আমাৰ শৈক্ষিক আৰু শৈক্ষিণিক সম্পৰ্ক আছে। তেওঁ নিজৰ মাদ্ৰাছাৰ পণ্ডিতক সাক্ষাৎ কৰিবলৈ আহিছিল। তেওঁও সভাত ভাষণ দিয়াৰ কথা আছিল, কিন্তু তেওঁ সোনকালে যাব লগা হৈছিল, গতিকে কাৰ্যসূচী সলনি কৰা হৈছিল।

हिन्दुस्थान समाचार / অৰৱিন্দ