বিজাপুৰ, ১১ অক্টোবৰ (হি.স.)। ছত্তীশগড়ৰ বিজাপুৰৰ তাদাপল্লা অঞ্চলত শনিবাৰে নক্সালবাদীয়ে সংস্থাপন কৰা আই ই ডি বিস্ফোৰণত ২০৬ নং কোব্ৰা বেটেলিয়নৰ ১১ নং টিমৰ হেড কনিষ্টবল (জি ডি) দীপক দুলে আহত হয়। প্ৰাথমিক চিকিৎসা প্ৰদান কৰাৰ পিছত আন নিয়োজিত লোকে ততাতৈয়াকৈ আহত জোৱানজনক বিজাপুৰ চিকিৎসালয়লৈ বদলি কৰে। তেওঁৰ চিকিৎসা অব্যাহত আছে। এই কথা নিশ্চিত কৰিছে বিজাপুৰৰ আৰক্ষী অধীক্ষকে।

পুৱা তাদাপল্লাৰ সমীপত নতুনকৈ স্থাপন কৰা এফ অ’ বি (ফৰৱাৰ্ড অপাৰেটিং বেছ) শিবিৰৰ সমীপত ২০৬ নং কোব্ৰা বেটেলিয়নৰ জোৱানসকল এলেকা আধিপত্য আৰু গভীৰতা সুৰক্ষাৰ কৰ্তব্যত আছিল। পুৱা প্ৰায় ৮ বজাত নক্সালবাদীয়ে ৰোপণ কৰা আই ই ডি বিস্ফোৰণত আহত হয় দীপক দুলে। ঘটনাৰ লগে লগে ওচৰতে নিয়োজিত নিৰাপত্তা বাহিনীয়ে দায়িত্ব ল’লে, অঞ্চলটো ঘেৰি ধৰিলে আৰু আহত জোৱানজনক তৎকালীন চিকিৎসাৰ বাবে লৰালৰিকৈ প্ৰেৰণ কৰে। বৰ্তমান আহত জোৱানজনৰ অৱস্থা ভাল, আৰু সমগ্ৰ অঞ্চলটোত উচ্চ সতৰ্কতা জাৰি কৰা হৈছে। বিজাপুৰৰ আৰক্ষী অধীক্ষক জিতেন্দ্ৰ যাদৱে এই কথা নিশ্চিত কৰি কয় যে বিতং তথ্য এতিয়াও অপেক্ষা কৰি আছে আৰু অঞ্চলটোত তালাচী অভিযান তীব্ৰতৰ কৰি তোলা হৈছে।

हिन्दुस्थान समाचार / মনোজ কুমাৰ শইকীয়া