কাছাৰ, ০১ অক্টোবৰ (হি.স.): শাৰদীয় দুৰ্গোৎসৱৰ সপ্তমী পূজা ভালদৰে পাৰ হোৱাৰ বিপৰীতে অষ্টমীৰ নিশা কাটিগড়া তেজেৰে লুতুৰি-পুতুৰি হৈ পৰিল ৰাজপথ। এখন ট্ৰাকৰ তলত চেপা খাই দুজন স্কুটী আৰোহীৰ অকাল মৃত্যু হয়। জানিব পৰা মতে নিশা প্ৰায় ১০ বজাত এই ঘটনা সংঘটিত হৈছিল।
পূজা উপলক্ষে সমগ্ৰ কাতিগড়া পূজা উদযাপনত ব্যস্ত হৈ পৰিছিল। ৰাষ্ট্ৰীয় ঘাইপথত দুচকীয়া, তিনিচকীয়া আৰু স্কুটাৰেৰে ব্যস্ত হৈ পৰিছিল। ঠিক তেতিয়াই ঘটনাটো সংঘটিত হয়। চৌৰিংঘী পেট্ৰ’ল পাম্পৰ গাতে লাগি থকা অঞ্চলত ১২ চকীয়া ট্ৰাকৰ চকাত দুজন বাইকাৰ অর্থাৎ স্কুটি আৰোহীক থেতেলিয়াই পেলায়৷ ট্ৰাকখন গেৰেজৰ পৰা ওলাই অহাৰ লগে লগে কালাইনৰ দিশৰ পৰা অহা স্কুটি এখন ট্ৰাকৰ তলত সোমাই পৰে। তাৰে এজনৰ থিতাতে মৃত্যু হয়। আনজনক অক্সিজেন লৈ এছএমচিলৈ প্ৰেৰণ কৰা হয়। ঘটনাৰ লগে লগে উত্তেজিত ৰাইজে ৰাষ্ট্ৰীয় ঘাইপথ অৱৰোধ কৰে। কিন্তু কাতিগড়া আৰক্ষীৰ সময়োপযোগী পদক্ষেপে পথ অৱৰোধ মুকলি কৰে।
হিন্দুস্থান সমাচাৰ / কিশোৰ মিশ্ৰ
