২ অক্টোবৰ এটা ঐতিহাসিক দিন। এই তাৰিখতে জাতিৰ পিতা মহাত্মা গান্ধী আৰু প্ৰাক্তন প্ৰধানমন্ত্ৰী লাল বাহাদুৰ শাস্ত্ৰীৰ জন্ম হয়। গান্ধীজীয়ে সত্য আৰু অহিংসাক নিজৰ জীৱনৰ ভেটি কৰি ভাৰতৰ স্বাধীনতা সংগ্ৰামক গণ আন্দোলনলৈ ৰূপান্তৰিত কৰিলে। তেওঁৰ দৰ্শনে আজিও বিশ্বক শান্তি আৰু ন্যায়ৰ পথ দেখুৱাইছে।
সৰলতা, সততা, শক্তিশালী নেতৃত্বৰ বাবে লাল বাহাদুৰ শাস্ত্ৰী পৰিচিত। ১৯৬৫ চনৰ ভাৰত-পাক যুদ্ধৰ সময়ত দিয়া তেওঁৰ জয় জোৱান, জয় কিষাণ শ্লোগানে আজিও দেশৰ ঐক্য আৰু আত্মনিৰ্ভৰশীলতাৰ প্ৰতীক।
ভাৰতবৰ্ষত এই দিনটো গান্ধী জয়ন্তী নামেৰে জনাজাত এক ৰাষ্ট্ৰীয় উৎসৱ, আনহাতে ৰাষ্ট্ৰসংঘই ইয়াক আন্তঃৰাষ্ট্ৰীয় অহিংসা দিৱস হিচাপে স্বীকৃতি দিছে। এই দিৱসটোৱে আমাক সোঁৱৰাই দিয়ে যে শান্তি, সৰলতা, সহযোগিতা হৈছে বহনক্ষম উন্নয়ন আৰু এখন উন্নত সমাজৰ ভেটি।
গুৰুত্বপূৰ্ণ ঘটনাৱলী:
১৪৯২ - ব্ৰিটেইনৰ ৰজা সপ্তম হেনৰীয়ে ফ্ৰান্স আক্ৰমণ কৰে।
১৯২৪ - লীগ অৱ নেচনছক শক্তিশালী কৰাৰ লক্ষ্যৰে জেনেভা ৰিজ’লিউচন ১৯২৪ চনৰ সাধাৰণ পৰিষদে গ্ৰহণ কৰে যদিও পিছলৈ ইয়াক অনুমোদন কৰা নহ’ল।
১৯৫১ - শ্যামা প্ৰসাদ মুখাৰ্জীয়ে ভাৰতীয় জনসংঘ প্ৰতিষ্ঠা কৰে।
১৯৫২ - সামূহিক উন্নয়ন কাৰ্যসূচী আৰম্ভ হয়।
১৯৬১ - বোম্বাই (বৰ্তমানৰ মুম্বাই)ত ভাৰতীয় জাহাজ নিগম প্ৰতিষ্ঠা কৰা হয়।
১৯৭১ - তেতিয়াৰ ৰাষ্ট্ৰপতি ভি.ভি. গিৰীয়ে গান্ধী সদন নামেৰে পৰিচিত বিৰলা হাউচক ৰাষ্ট্ৰৰ বাবে উৎসৰ্গা কৰিছিল। ইয়াতেই মহাত্মা গান্ধীক হত্যা কৰা হৈছিল।
১৯৮২ - তেহৰাণত সংঘটিত বোমা বিস্ফোৰণত ৬০ জন নিহত আৰু ৭০০ জন আহত হয়।
১৯৮৫ - যৌতুক নিষেধাজ্ঞা সংশোধনী আইন বলবৎ হয়।
১৯৮৮ - কোৰিয়াৰ ছিউলত ২৪ সংখ্যক অলিম্পিক গেমছৰ সামৰণি পৰে।
১৯৮৮ - তামিলনাডুৰ মণ্ডপাম আৰু পাম্বনৰ মাজত আটাইতকৈ দীঘলীয়া সাগৰীয় দলং মুকলি কৰা হয়। ২০০০ - ৰাছিয়াৰ ৰাষ্ট্ৰপতি ভ্লাদিমিৰ পুটিন চাৰিদিনীয়া ভাৰত ভ্ৰমণৰ বাবে দিল্লীত উপস্থিত হয়।
২০০১ - আজিৰ দিনটোতে আফগানিস্তানত আক্ৰমণৰ বাবে সেউজ সংকেত দিলে ১৯খন ৰাষ্ট্ৰৰ সংগঠন নাটোৱে।
২০০৩ - হাংগেৰীৰ প্ৰধানমন্ত্ৰী পিটাৰ মেডগেছি ভাৰত ভ্ৰমণ কৰে।
২০০৪ - ৰাষ্ট্ৰসংঘৰ নিৰাপত্তা পৰিষদে কংগোলৈ ৫,৯০০ সৈন্য প্ৰেৰণৰ প্ৰস্তাৱত অনুমোদন জনায়।
২০০৬ - দক্ষিণ আফ্ৰিকাই পাৰমাণৱিক ইন্ধন যোগানৰ বিষয়ত ভাৰতক সমৰ্থন কৰাৰ সিদ্ধান্ত লয়।
২০০৭ - উত্তৰ আৰু দক্ষিণ কোৰিয়াৰ মাজত দ্বিতীয়খন শীৰ্ষ সন্মিলনৰ সামৰণি পৰে।
২০১২ - নাইজেৰিয়াত বন্দুকধাৰীয়ে ২০ জন ছাত্ৰক হত্যা কৰিছিল।
জন্ম :
১৯৯৭ - লভলিনা বৰগোহাঁই - ভাৰতীয় বক্সাৰ।
১৯৮৫ - ভৱ্য লাল - নাছাৰ ভাৰতীয়-আমেৰিকান বিজ্ঞানী।
১৯৭৯ - হাংপন দাদা - ভাৰতীয় সেনাৰ এজন সাহসী সৈনিক, ‘অশোক চক্ৰ’ বঁটাৰে সন্মানিত।
১৯৬৭ - আৰ্ডেম পাটাপাউটিয়ান - এজন বিখ্যাত আমেৰিকান আণৱিক জীৱবিজ্ঞানী আৰু স্নায়ুবিজ্ঞানী।
১৯৩৩ - আজিৰ দিনটোতে শংকৰ শেশ - এজন বিখ্যাত হিন্দী নাট্যকাৰ আৰু চলচ্চিত্ৰ গল্পকাৰ।
১৯৭৪ - প্ৰীতম ছিৱাচ - ভাৰতীয় মহিলা হকী দলৰ প্ৰাক্তন অধিনায়ক।
১৮৬৯ - আজিৰ দিনটোতে মহাত্মা গান্ধী - ভাৰত জাতিৰ পিতৃ।
১৮৯৮ - আজিৰ দিনটোতে প্ৰজাপতি মিশ্ৰ - বিহাৰৰ পৰা বিশিষ্ট গান্ধীবাদী সৃষ্টিশীল কৰ্মী আৰু স্বাধীনতা সংগ্ৰামী।
১৯০৪ - লাল বাহাদুৰ শাস্ত্ৰী - ভাৰতৰ দ্বিতীয় প্ৰধানমন্ত্ৰী।
১৯৪২ - আশা পাৰেখ - বিখ্যাত চলচ্চিত্ৰ অভিনেত্ৰী।
১৯২৪ - তপন সিনহা - বিখ্যাত চলচ্চিত্ৰ পৰিচালক।
১৯০১ - গকুল লাল আছাৱা - দেশৰ স্বাধীনতাত অৰিহণা যোগোৱা অন্যতম বিপ্লৱী আছিল।
১৯০০ - আজিৰ দিনটোতে লীলা নাগ - এগৰাকী বিখ্যাত বাঙালী সাংবাদিক আৰু মহিলা বিপ্লৱী।
১৮৯১ - আজিৰ দিনটোতে বিনায়ক পাণ্ডুৰাং কৰ্মৰকাৰ - ভাৰতৰ এজন বিখ্যাত ভাস্কৰ্য শিল্পী।
মৃত্যু :
১৯০৬ - ৰাজা ৰবি বৰ্মা - প্ৰখ্যাত চিত্ৰশিল্পী
১৯৬৪- ৰাজকুমাৰী অমৃত কৌৰ - ভাৰতৰ এগৰাকী প্ৰখ্যাত গান্ধীবাদী, স্বাধীনতা সংগ্ৰামী, আৰু সমাজ কৰ্মী
১৯৭৫ - কে কামৰাজ - ভাৰত ৰত্ন বঁটা বিজয়ী, স্বাধীনতা সংগ্ৰামী, ৰাজনীতিবিদ, তামিলনাডুৰ মুখ্যমন্ত্ৰী
১৯৮২ - চি ডি দেশমুখ-ব্ৰিটিছ শাসনৰ অধীনত আই চি এছ বিষয়া আৰু স্বাধীনতাৰ পিছত ভাৰতৰ তৃতীয় বিত্তমন্ত্ৰী
গুৰুত্বপূৰ্ণ দিন:
আন্তঃৰাষ্ট্ৰীয় অহিংসা দিৱস
বন্যপ্ৰাণী সপ্তাহ (২ অক্টোবৰৰ পৰা ৮ অক্টোবৰলৈ)
हिन्दुस्थान समाचार / অৰৱিন্দ
