চিৰাং, ০১ অক্টোবৰ (হি.স.)। শাৰদীয় দুৰ্গাপূজাৰ আনন্দৰ মাজতেই চিৰাং জিলাৰ বাসুগাঁও চহৰৰ সমীপৰ গয়বাৰীত পথৰ দাঁতিত এজন অচিনাক্ত যুৱকৰ মৃতদেহ উদ্ধাৰ কৰা হৈছে। আজি বুধবাৰে ৰাতিপুৱা স্থানীয় লোকে বাসুগাঁও-কাশিকোত্ৰা গড়কাপ্তানী পথৰ দাঁতিত যুৱক জনৰ মৃতদেহ প্ৰত্যক্ষ কৰাৰ পিছতে অঞ্চলটোত ব্যাপক চাঞ্চল্যৰ সৃষ্টি হয় ।
পিছত মৃত যুৱক জনৰ লগত থকা নথিপত্ৰ অনুসৰি মৃত যুৱকজনক বঙাইগাঁও চহৰৰ বাবুপাৰাৰ সুৰজ সাহা (৩১) বুলি চিনাক্ত কৰা হৈছে । আনহাতে
খবৰ লাভ কৰি বাসুগাঁও থানাৰ আৰক্ষী ঘটনাস্থলীত উপস্থিত হৈ মৃতদেহ উদ্ধাৰ কৰি তদন্ত অব্যাহত ৰাখিছে। যুৱক জনৰ কি পৰিস্থিতিত মৃত্যু সেয়া জানিব পোহৰলৈ অহা নাই । লগতে যুৱকজনে বঙাইগাঁও চহৰৰ বাবুপাৰাৰ পৰা চিৰাং জিলাৰ বাসুগাঁও চহৰৰ সমীপৰ গয়বাৰীত পথ কেনেদৰে আহি পালে সেই বিষয়ে আৰক্ষীয়ে অনুসন্ধান আৰম্ভ কৰিছে।
---------------
হিন্দুস্থান সমাচাৰ / প্ৰকাশ ডেকা
