কাঠমাণ্ডু, ০২ ছেপ্টেম্বৰ (হি.স.)। নেপালৰ ভয়াৱহ বানপানীৰ ফলত ক্ষতিগ্ৰস্ত লোকসকলৰ উদ্ধাৰ আৰু সাহায্য অভিযানত সহায়ৰ বাবে ভাৰতে প্ৰেৰণ কৰা সাহায্য সাহায্যৰ পঞ্চম চালান কাঠমাণ্ডুত উপস্থিত হৈছে।
ভাৰতৰ দূতাবাসৰ প্ৰতিনিধিয়ে ভাৰতে প্ৰেৰণ কৰা সাহায্য সামগ্ৰী কাঠমাণ্ডুৰ ত্ৰিভুৱন আন্তঃৰাষ্ট্ৰীয় বিমানবন্দৰত নেপাল চৰকাৰৰ এজন প্ৰতিনিধিক গতাই দিয়ে। ভাৰতৰ বৈদেশিক মন্ত্ৰী ড০ এছ জয়শংকৰে বুধবাৰে পুৱা অৱগত কৰে যে ভাৰতৰ পৰা পঞ্চমটো সাহায্যৰ চালান বিমানেৰে নেপাললৈ ৰাওনা হৈছে।
তেওঁ কয় যে বিমানখনত বিশেষ অনুসন্ধান আৰু উদ্ধাৰ সঁজুলি আৰু ৫.৫ টন অত্যাৱশ্যকীয় ঔষধেৰে সজ্জিত ১১ জনীয়া উদ্ধাৰকাৰী দল আছিল। এই দলটোৱে বানাক্ৰান্ত অঞ্চলত অনুসন্ধান আৰু উদ্ধাৰ অভিযানত সহায় কৰিব। মাত্ৰ দুদিন পূৰ্বে ভাৰতে ১১ টন সাহায্য সামগ্ৰী আৰু বানাক্ৰান্ত লোকসকলৰ বাবে কাৰিকৰী দল লৈ চতুৰ্থখন বিমান নেপাললৈ প্ৰেৰণ কৰিছিল।
বৰ্তমান নেপালত উদ্ধাৰ আৰু সাহায্য অভিযান চলি আছে। ভাৰতকে ধৰি বিভিন্ন দেশ আৰু আন্তঃৰাষ্ট্ৰীয় সংস্থাসমূহে বানাক্ৰান্ত অঞ্চলসমূহলৈ সাহায্য আগবঢ়াইছে।
হিন্দুস্থান সমাচাৰ / মনোজ কুমাৰ শইকীয়া
