নতুন দিল্লী, ১২ ছেপ্টেম্বৰ (হি.স.)। অষ্টাদশ সংখ্যক ব্ৰিকছ সন্মিলনৰ আঁৰত প্ৰধানমন্ত্ৰী নৰেন্দ্ৰ মোদীয়ে ভিয়েটনামৰ প্ৰধানমন্ত্ৰী লে মিন হাঙৰ সৈতে দ্বিপাক্ষিক বৈঠকত মিলিত হয়। দুয়োগৰাকী নেতাই ভাৰত-ভিয়েটনাম সম্পৰ্কৰ লগতে বিভিন্ন আঞ্চলিক আৰু বিশ্বব্যাপী বিষয়ৰ ওপৰত আলোচনা কৰে।

বৈদেশিক পৰিক্ৰমা মন্ত্ৰালয়ৰ তথ্য অনুসৰি প্ৰধানমন্ত্ৰী মোদীয়ে ব্ৰিকছ শীৰ্ষ সন্মিলনত অংশীদাৰ দেশ হিচাপে ভিয়েটনামৰ অংশগ্ৰহণক আদৰণি জনায়। চলিত বৰ্ষৰ মে’ মাহত ভিয়েটনামী কমিউনিষ্ট পাৰ্টিৰ সাধাৰণ সম্পাদক তথা ৰাষ্ট্ৰপতি ট’লামৰ ভাৰত ভ্ৰমণৰ সময়ত দুয়োখন দেশৰ সম্পৰ্কক “উন্নত ব্যাপক কৌশলগত অংশীদাৰিত্ব”লৈ উন্নীত কৰাৰ পিছত হোৱা অগ্ৰগতিৰ পৰ্যালোচনা কৰে দুয়োগৰাকী নেতাই। দুয়োপক্ষই আঞ্চলিক আৰু বিশ্বব্যাপী গুৰুত্বপূৰ্ণ বিভিন্ন বিষয়ত মত বিনিময় কৰি অংশীদাৰিত্ব আৰু অধিক শক্তিশালী কৰাৰ প্ৰতিশ্ৰুতি পুনৰবাৰ প্ৰকাশ কৰে।

ভাৰত আৰু ভিয়েটনামৰ দীৰ্ঘদিনীয়া বন্ধুত্বপূৰ্ণ সম্পৰ্ক আছে, যিটো ভাগ-বতৰা কৰা সাংস্কৃতিক ঐতিহ্য, পাৰস্পৰিক বিশ্বাস, আৰু বুজাবুজিৰ ওপৰত ভিত্তি কৰি গঢ় লৈ উঠিছে। ভিয়েটনাম ভাৰতৰ এক্ট ইষ্ট নীতিৰ এক গুৰুত্বপূৰ্ণ স্তম্ভ আৰু দক্ষিণ-পূব এছিয়াত ভাৰতৰ বাবে এক মূল অংশীদাৰ।

হিন্দুস্থান সমাচাৰ / মনোজ কুমাৰ শইকীয়া