অভিনেতা পৰিচালকলৈ পৰিণত হোৱা কুনাল খেমুৱে তেওঁৰ প্ৰশংসিত কমেডী-ড্ৰামা ছবি ‘মদগাঁও এক্সপ্ৰেছ’ৰ ছিকুৱেলৰ বাবে প্ৰস্তুতি চলাইছে। ২০২৪ চনত মুক্তি পোৱা ছবিখনে দৰ্শকৰ ইতিবাচক সঁহাৰি লাভ কৰিছিল আৰু এতিয়া কুনালে প্ৰতীক গান্ধী, দিব্যেণ্ডু আৰু অবিনাশ তিৱাৰীৰ ত্ৰিমূৰ্তিক পুনৰবাৰ পৰ্দালৈ আনিবলৈ সাজু হৈছে।
খবৰ অনুসৰি ‘মদগাঁও এক্সপ্ৰেছ ২’ৰ প্ৰি-প্ৰডাকচন দ্ৰুতগতিত আগবাঢ়িছে, আৰু যদি সকলো পৰিকল্পনা অনুসৰি হয় তেন্তে ২০২৭ চনৰ ফেব্ৰুৱাৰী বা মাৰ্চত শ্বুটিং আৰম্ভ হোৱাৰ সম্ভাৱনা আছে।
ছিকুৱেলত প্ৰতীক গান্ধী, দিব্যেণ্ডু, আৰু অবিনাশ তিৱাৰীয়ে পুনৰ অভিনয় কৰিব। ছবিখনৰ ছিকুৱেলক লৈ তিনিওজন অভিনেতাই উৎসাহিত বুলি জানিব পৰা গৈছে। কুনাল খেমুৱে ছবিখনৰ চিত্ৰনাট্য ৰচনা কৰাৰ লগতে ছবিখনৰ পৰিচালনাও কৰিব। খবৰ পোৱা গৈছে যে কুনালে ছিকুৱেলত বলপূৰ্বকভাৱে আগুৱাই নিয়াৰ পৰিৱৰ্তে প্ৰথম খণ্ডৰ পৰাই কাহিনী আৰু চৰিত্ৰসমূহৰ স্বাভাৱিক ধাৰাবাহিকতা উপস্থাপন কৰিবলৈ চেষ্টা কৰিছে।
‘মদগাঁও এক্সপ্ৰেছ’ আছিল তিনিজন বন্ধুৰ কাহিনী, যাৰ গোৱা যাত্ৰা অপ্ৰত্যাশিত ঘটনাৰে ভৰি আছে। ছবিখনত প্ৰতীক গান্ধী, দিব্যেন্দু, অবিনাশ তিৱাৰীৰ বন্ধুত্ব আৰু কমিক টাইমিং দৰ্শকে ভাল পাইছিল। কুনাল খেমুৰ পৰিচালনাত নিৰ্মিত এই ছবিখনে বক্স অফিচত ₹৩০ কোটিৰো অধিক উপাৰ্জন কৰে। ছিকুৱেলত তিনিওজন বন্ধুৰ বন্ধুত্ব আৰু নতুন দুঃসাহসিক অভিযান কেনেদৰে আগুৱাই নিয়া হৈছে সেয়া চাবলৈ আগ্ৰহী হ’ব।
हिन्दुस्थान समाचार / Manoj Kumar Saikia
