নয়ডা, ০৭ জুলাই (হি.স.)। বিদ্যালয় পৰ্যায়ত টেবুল টেনিছ শক্তিশালী কৰাৰ লগতে দেশৰ শাৰীৰিক শিক্ষা শিক্ষকৰ মান উন্নত কৰাৰ বাবে আন্তঃৰাষ্ট্ৰীয় বিদ্যালয় ক্ৰীড়া সংস্থাই আন্তঃৰাষ্ট্ৰীয় বিদ্যালয় ক্ৰীড়া ফেডাৰেচন (আই এছ এফ) একাডেমী আৰু আন্তঃৰাষ্ট্ৰীয় টেবুল টেনিছ ফেডাৰেচন (আই টি টি এফ)ৰ সহযোগত আই টি টি এফ স্তৰ-১ প্ৰশিক্ষক শিক্ষা কাৰ্যসূচী আৰম্ভ কৰিছে । এই পাঁচদিনীয়া আন্তঃৰাষ্ট্ৰীয় প্ৰমাণীকৰণ কাৰ্যসূচী নয়ডাৰ প্ৰমিথিউছ স্কুলত ৬ জুলাইৰ পৰা ১০ জুলাইলৈ অনুষ্ঠিত কৰা হৈছে।

আয়োজকসকলে মঙলবাৰে ঘোষণা কৰে যে সমগ্ৰ দেশৰ পৰা ২২ জন শাৰীৰিক শিক্ষাৰ শিক্ষক, বিদ্যালয়ৰ প্ৰশিক্ষক, আৰু টেবুল টেনিছ প্ৰশিক্ষকে এই কাৰ্যসূচীত অংশগ্ৰহণ কৰিছে। উদ্দেশ্য হৈছে আন্তঃৰাষ্ট্ৰীয় পৰ্যায়ৰ প্ৰশিক্ষক পদ্ধতি, আধুনিক খেলুৱৈ বিকাশৰ কৌশল আৰু ফলপ্ৰসূ প্ৰশিক্ষণ ব্যৱস্থাৰ সৈতে অংশগ্ৰহণকাৰীসকলক পৰিচিত কৰা, যাৰ ফলত বিদ্যালয় পৰ্যায়ত খেলবিধ শক্তিশালী কৰা হয় ।

এই কাৰ্যসূচী পৰিচালনা কৰিছে থাইলেণ্ডৰ আন্তঃৰাষ্ট্ৰীয় পৰ্যায়ৰ আইটিটিএফ প্ৰশিক্ষক ক্ৰীষ্টিনা ছিয়ে । তাই শ্ৰেণীকোঠাৰ প্ৰশিক্ষণৰ লগতে টেবুলত ব্যৱহাৰিক প্ৰশিক্ষণ প্ৰদান কৰি আছে। প্ৰশিক্ষণত মৌলিক প্ৰশিক্ষক কৌশল, কাৰিকৰী দক্ষতা বিকাশ, প্ৰশিক্ষণ অধিবেশনৰ পৰিকল্পনা, খেলুৱৈৰ অগ্ৰগতি আৰু যুৱ খেলুৱৈৰ বাবে ইতিবাচক শিক্ষণ পৰিৱেশ সৃষ্টিৰ ওপৰত গুৰুত্ব আৰোপ কৰা হয়।

আইটিটিএফৰ প্ৰশিক্ষক ক্ৰীষ্টিনা চিয়ে কয়, প্ৰশিক্ষক শিক্ষা যিকোনো শক্তিশালী ক্ৰীড়া ব্যৱস্থাৰ মূল শিলাস্তম্ভ। যেতিয়া শিক্ষক আৰু প্ৰশিক্ষকসকল আন্তঃৰাষ্ট্ৰীয় জ্ঞান আৰু ব্যৱহাৰিক কৌশলেৰে সজ্জিত হয়, তেতিয়া যুৱ খেলুৱৈসকলে উন্নত প্ৰশিক্ষণ লাভ কৰে। ভাৰতীয় শিক্ষকসকলৰ মাজত আমি যি উৎসাহ দেখিছো সেয়া প্ৰেৰণাদায়ক। মই নিশ্চিত যে এই কাৰ্যসূচীয়ে ভৱিষ্যতৰ শ্ৰেষ্ঠ টেবুল টেনিছ খেলুৱৈসকলক গঢ়ি তোলাত সহায় কৰিব ।

আই এছ অ’ৰ সহ-সঞ্চালক গৌৰৱ দীক্ষিতে কয় যে, আই এছ অ'ৰ লক্ষ্য হৈছে ছাত্ৰ-ছাত্ৰীৰ লগতে তেওঁলোকক প্ৰশিক্ষণ দিয়া শিক্ষক আৰু প্ৰশিক্ষকসকলকো বিশ্বমানৰ সুযোগ প্ৰদান কৰা । আই এছ এফ একাডেমী আৰু আই টি টি এফৰ সৈতে আমাৰ অংশীদাৰিত্ব ভাৰতলৈ আন্তঃৰাষ্ট্ৰীয় পৰ্যায়ৰ প্ৰশিক্ষক শিক্ষা অনাৰ দিশত এক ডাঙৰ পদক্ষেপ। ইয়াৰ দ্বাৰা বিদ্যালয় পৰ্যায়ত টেবুল টেনিছ শক্তিশালী হ'ব আৰু যুৱ খেলুৱৈসকলৰ সামগ্ৰিক উন্নয়নৰ বাবে এক শক্তিশালী ভেটি স্থাপন কৰা হ'ব ।

যোৱা কেইমাহমানত আই এছ অ’ই ফিবা, বেডমিণ্টন বিশ্ব ফেডাৰেচন আৰু কুকিৱন (বিশ্ব টাইকোৱাণ্ডো মুখ্য কাৰ্যালয়)ৰ সহযোগত আন্তঃৰাষ্ট্ৰীয় প্ৰশিক্ষক শিক্ষা কাৰ্যসূচীও আয়োজন কৰিছে । তদুপৰি বিদ্যালয়ৰ ক্ৰীড়াক নতুন ৰূপ দিবলৈ সংস্থাটোৱে ভাৰতীয় প্ৰফেচনেল গ’ল্ফ ট্যুৰৰ সৈতে অংশীদাৰিত্ব কৰিছে ।

প্ৰশিক্ষক শিক্ষাৰ উপৰিও ভাৰতীয় খেলুৱৈসকলক আইএছএছঅ’য়েও অহৰহ আন্তঃৰাষ্ট্ৰীয় মঞ্চ প্ৰদান কৰি আহিছে। শেহতীয়াকৈ সংস্থাটোৱে ভাৰতীয় ছাত্ৰ দলটোক আই এছ এফ বাস্কেটবল চেম্পিয়নশ্বিপ ২০২৬ত অংশগ্ৰহণৰ বাবে ছাৰ্বিয়ালৈ প্ৰেৰণ কৰিছিল । এই পদক্ষেপসমূহৰ জৰিয়তে আই এছ অ’ই ভাৰতৰ স্কুল ক্ৰীড়া ব্যৱস্থাক বিশ্ব মানদণ্ডৰ বিকাশৰ দিশত অহৰহ কাম কৰি আছে ।

--------------

হিন্দুস্থান সমাচাৰ / অৰৱিন্দ