জনপ্ৰিয় টিভি শ্ব’ নাগিন ৭ বৰ্তমান এক বৃহৎ কাৰিকৰী ভুলৰ বাবে বিতৰ্কৰ মাজত সোমাই পৰিছে। শেহতীয়াকৈ জিঅ হোটষ্টাৰ ত প্ৰচাৰিত এটা খণ্ডত এটা গুৰুতৰ সম্পাদনা ভুলৰ কথা পোহৰলৈ আহিছে, য’ত শ্ব’টোৱে এটা দৃশ্যত নীলা পৰ্দা আঁতৰাবলৈ পাহৰি গৈছিল। লগে লগে দৰ্শকে এই ভুলটো লক্ষ্য কৰিলে, আৰু ছ’চিয়েল মিডিয়াত এই অনুষ্ঠানটোৱে তীব্ৰ সমালোচনাৰ সন্মুখীন হ’বলৈ ধৰিলে। শ্ব’টো আৰু ইয়াৰ নিৰ্মাতাসকল সোনকালে ট্ৰ’লৰ লক্ষ্য হৈ পৰে।
দৰ্শকে নিৰ্মাতাসকলক গাফিলতিৰ অভিযোগ উত্থাপন কৰি কয় যে ছিজনৰ মানদণ্ড ইতিমধ্যে বেয়া আছিল, আৰু এনে ভুলে ইয়াক আৰু বেয়া কৰি তুলিছে। বহু ব্যৱহাৰকাৰীয়ে কটুভাৱে লিখিছে যে শ্ব’টো শেষ কৰাৰ হুলস্থুলত ইয়াৰ সম্পাদনাও সঠিকভাৱে কৰা হোৱা নাছিল। এই ভুলৰ বিষয়ে ছ’চিয়েল মিডিয়াত মিমৰ বানপানী হৈছিল, যিয়ে বিষয়টোক আৰু অধিক ইন্ধন যোগাইছিল।
শ্ব’টোৰ প্ৰযোজক একতা কাপুৰেও এই বিতৰ্কৰ প্ৰতি সঁহাৰি জনায়। ইনষ্টাগ্ৰাম ষ্ট’ৰীত ভাইৰেল মিম শ্বেয়াৰ কৰি লঘুভাৱে সঁহাৰি জনাই কেপচনত লিখিছিল, “স্পষ্টভাৱে”। ইয়াৰ পূৰ্বে অভিনেতা ৰিব্বু মেহৰাইও স্পষ্ট কৰি দিছিল যে এয়া মানৱীয় ভুল আৰু এনে সৰু সৰু ভুল কেতিয়াবা হয়, যিবোৰক বুদ্ধিমানৰূপে আওকাণ কৰি আগবাঢ়ি যোৱা উচিত।
हिन्दुस्थान समाचार / আলোক চক্ৰৱৰ্তী
