নৈনিতাল, ০৩ মাৰ্চ (হি.স.)। ভাৰতৰ প্ৰাক্তন ৰাষ্ট্ৰপতি ৰামনাথ কোবিন্দে অহা ৫ মাৰ্চ বৃহস্পতিবাৰৰ পৰা উত্তৰাখণ্ডৰ নৈনীতাল জিলা আৰু ইয়াৰ আশে-পাশে থকা অঞ্চলসমূহ ভ্ৰমণ কৰিব।

লাভ কৰা সূচী অনুসৰি তেওঁ ৫ মাৰ্চৰ পুৱা ১১ বজাত নতুন দিল্লীৰ ১২ জনপথৰ পৰা ৰাওনা হ’ব আৰু ইন্দিৰা গান্ধী আন্তঃৰাষ্ট্ৰীয় বিমানবন্দৰত উপস্থিত হ’ব, তাৰ পৰা পণ্টনগৰলৈ উৰা মাৰিব। দুপৰীয়া তেওঁ গোবিন্দ বল্লভ পন্ত কৃষি আৰু প্ৰযুক্তি বিশ্ববিদ্যালয়ত উপস্থিত হৈ দুপৰীয়াৰ আহাৰ গ্ৰহণ কৰি, তাৰ পিছত গাড়ীৰে কাঠগোডাম চাৰ্কিট হাউচলৈ যাব। তাত অলপ জিৰণি লোৱাৰ পিছত ৩ বজাত ভীমতাললৈ ৰাওনা হ’ব। তেওঁ ভীমতালত নিশা থাকিব।

ইয়াৰ উপৰিও ৬ মাৰ্চত তেওঁ ভীমতালৰ পৰা যাত্ৰা কৰিব, আৰু মল্ল ৰামগড়ত অলপ সময় থকাৰ পিছত তেওঁ গাঁৱৰ সাতখোলৰ শ্ৰী ৰাম চন্দ্ৰ মিছন হিমালয়ান আশ্ৰমত উপস্থিত হ’ব। ৬ আৰু ৭ মাৰ্চৰ ৰাতি তাত থকাৰ কথা।৮ মাৰ্চৰ পুৱা সাতখোলৰ পৰা যাত্ৰা কৰি ভীমতাল আৰু কাঠগোদামত অলপ সময় ৰৈ জি বি পন্ত বিশ্ববিদ্যালয়লৈ উভতি যাব। তাৰ পৰা দুপৰীয়া পন্তনগৰ বিমানবন্দৰলৈ ৰাওনা হ’ব আৰু বিমানেৰে দিল্লীলৈ উভতি যাব।

তেওঁৰ আগমনৰ প্ৰতি লক্ষ্য ৰাখি প্ৰশাসনিক পৰ্যায়ত প্ৰয়োজনীয় প্ৰস্তুতি চলোৱা হৈছে। অৱশ্যে নৈনিতাল জিলাৰ অতিৰিক্ত জিলা দণ্ডাধীশ বিবেক ৰায়ে কয় যে কোবিন্দ ডাঙৰীয়াৰ আগমনৰ কাৰ্যসূচী কঠোৰভাৱে ব্যক্তিগত। উল্লেখযোগ্য যে ইয়াৰ পূৰ্বে ব্যক্তিগত ভ্ৰমণত ২০২৫ চনৰ ২৭ অক্টোবৰত নৈনিতাললৈ গৈছিল কোবিন্দ ডাঙৰীয়া । এই সময়ছোৱাত তেওঁ নৈনিতাল ৰাজ ভৱনত থাকি বাবা নিব কৰোৰীৰ কইঞ্চি ধাম পৰিদৰ্শন কৰে।

हिन्दुस्थान समाचार / মনোজ কুমাৰ শইকীয়া