নতুন দিল্লী, ১৯ জুলাই (হি.স.)। শনিবাৰে উচ্চতম ন্যায়ালয়ৰ ২০ গৰাকী ন্যায়াধীশৰ সৈতে মুখ্য ন্যায়াধীশ ভূষণ ৰামকৃষ্ণ গৱইয়ে দিল্লী চৰকাৰৰ বন মহোৎসৱ ২০২৫ৰ অধীনত পিবিজি গ্ৰাউণ্ড দিল্লী ৰিজ অঞ্চলত আয়োজিত বৃক্ষৰোপণ কাৰ্যসূচীত অংশগ্ৰহণ কৰে। এই উপলক্ষে তেওঁৰ সৈতে দিল্লীৰ পৰিৱেশ মন্ত্ৰী মঞ্জিন্দৰ সিং ছিৰছাও উপস্থিত থাকে।

এই উপলক্ষে মুখ্য ন্যায়াধীশ গাৱৈয়ে প্ৰদূষণ সন্দৰ্ভত দিল্লী চৰকাৰৰ যুদ্ধপদ প্ৰচেষ্টাক প্ৰশংসা কৰি কয় যে অক্টোবৰ অহাৰ লগে লগে সকলোৱে চিন্তিত হ’বলৈ আৰম্ভ কৰে। উন্নয়ন প্ৰয়োজনীয়, কিন্তু কি মূল্যত ই হৈছে সেয়াও আমি বুজিব লাগিব। বনাঞ্চল আমাৰ ঐতিহ্য, কেৱল আমাৰেই নহয় ভৱিষ্যত প্ৰজন্মৰো। দিল্লীত প্ৰদূষণ হ্ৰাস কৰাত ইহঁতে গুৰুত্বপূৰ্ণ ভূমিকা পালন কৰে। উচ্চতম ন্যায়ালয়েও সদায় বহনক্ষম উন্নয়নৰ কথা কৈ আহিছে আৰু দিল্লীৰ প্ৰদূষণ সন্দৰ্ভত বহু গুৰুত্বপূৰ্ণ পৰামৰ্শ আগবঢ়াইছে।

মন্ত্ৰী ছিৰছাই কয় যে প্ৰধানমন্ত্ৰী নৰেন্দ্ৰ মোডীৰ ‘মাতৃৰ নামত এজোপা গছ’ অভিযানৰ অধীনত মুখ্য ন্যায়াধীশ আৰু ন্যায়াধীশৰ উপস্থিতিয়ে এই বাৰ্তা প্ৰদান কৰিছে যে দিল্লীলৈ সেউজীয়া আৰু বিশুদ্ধ বতাহ ঘূৰাই অনাটো আমাৰ সকলোৰে দায়িত্ব।

हिन्दुस्थान समाचार / মনোজ কুমাৰ শইকীয়া