তৃতীয় আন্তঃৰাষ্ট্ৰীয় অ'পেন কিকবক্সিং চেম্পিয়নশ্বিপত সুধীৰ ছাক্সেনাৰ ৰূপৰ পদক অৰ্জন
নতুন দিল্লী, ১২ ফেব্ৰুৱাৰী (হি.স.)। নতুন দিল্লীৰ প্ৰতিষ্ঠিত ইন্দিৰা গান্ধী ষ্টেডিয়ামত ৭ ফেব্ৰুৱাৰীৰ
 সুধীৰ ছাক্সেনা


নতুন দিল্লী, ১২ ফেব্ৰুৱাৰী (হি.স.)। নতুন দিল্লীৰ প্ৰতিষ্ঠিত ইন্দিৰা গান্ধী ষ্টেডিয়ামত ৭ ফেব্ৰুৱাৰীৰ পৰা ১১ ফেব্ৰুৱাৰীলৈ অনুষ্ঠিত হৈ যোৱা তৃতীয় আন্তঃৰাষ্ট্ৰীয় মুকলি কিকবক্সিং চেম্পিয়নশ্বিপত ভাৰতীয় কিকবক্সাৰ সুধীৰ ছাক্সেনাই ৯৪ কেজি ওজন শাখাত ৰূপৰ পদক লাভ কৰে। ফাইনেলত স্বদেশৰ মানৱ পচাৰিয়াৰ বিৰুদ্ধে পৰাজয়ৰ সন্মুখীন হ’বলগীয়া হৈছিল সুধিৰ।

২০২৩ চনৰ নৱেম্বৰ মাহত পৰ্তুগালত অনুষ্ঠিত হোৱা বিশ্ব চেম্পিয়নশ্বিপত ভাৰতক প্ৰতিনিধিত্ব কৰি এই পদক লাভ কৰি সুধিৰে ভিয়েটনামত অনুষ্ঠিত হ’বলগীয়া আগন্তুক এছিয়ান কিকবক্সিং চেম্পিয়নশ্বিপতো ভাৰতক প্ৰতিনিধিত্ব কৰাৰ সুযোগ লাভ কৰিছে।

ইণ্ডিয়ান কিকবক্সিং এছ’চিয়েশ্যনৰ সভাপতিয়ে কয়, ‘সুধীৰৰ এই ক্ৰীড়াৰ প্ৰতি থকা নিষ্ঠা আৰু আবেগে আমাৰ দেশলৈ বৃহৎ সন্মান কঢ়িয়াই আনিছে, আৰু তেওঁক বিশ্ব মঞ্চত উৎকৃষ্ট হোৱা দেখি আমি ৰোমাঞ্চিত হৈছো। তেওঁৰ এই সফলতাই সমগ্ৰ দেশৰ উচ্চাকাংক্ষী খেলুৱৈসকলৰ বাবে প্ৰেৰণা হিচাপে কাম কৰে, আৰু আমি নিশ্চিত যে তেওঁ এছিয়ান কিকবক্সিং চেম্পিয়নশ্বিপত অংশগ্ৰহণ কৰি ভাৰতক গৌৰৱান্বিত কৰি যাব।”

উল্লেখযোগ্য চঞ্চলতা আৰু কৌশলৰ বাবে পৰিচিত সুধিৰ সাক্সেনা ভাৰতৰ যুৱ কিকবক্সাৰৰ বাবে আদৰ্শ হৈ পৰিছে, ক্ৰীড়াৰ প্ৰতি নিজৰ অটল দায়বদ্ধতাৰে নতুন মানদণ্ড স্থাপন কৰিছে। স্থানীয় প্ৰতিযোগিতাৰ পৰা আন্তঃৰাষ্ট্ৰীয় প্ৰতিযোগিতালৈ তেওঁৰ যাত্ৰা তেওঁৰ অনন্য প্ৰতিভা আৰু অক্লান্ত দৃঢ়তাৰ প্ৰমাণ।

হিন্দুস্থান সমাচাৰ/সুনীল/মনোজ


 rajesh pande