৫ম সৰ্বাধিক মূল্যৰ ভাৰতীয় প্ৰতিষ্ঠান হিচাপে পৰিগণিত এল আই চি
নতুন দিল্লী, ১০ ফেব্ৰুৱাৰী (হি.স.)। চৰকাৰী জীৱন বীমা নিগম চমুকৈ এলআইচিয়ে বজাৰ মূল্য ৭ লাখ কোটি অতিক্
 এল আই চি


নতুন দিল্লী, ১০ ফেব্ৰুৱাৰী (হি.স.)। চৰকাৰী জীৱন বীমা নিগম চমুকৈ এলআইচিয়ে বজাৰ মূল্য ৭ লাখ কোটি অতিক্ৰম কৰি দেশৰ ভিতৰতে পঞ্চম সৰ্বাধিক মূল্যৰ কোম্পানী হিচাপে পৰিগণিত হৈছে।

ভাৰতৰ সৰ্ববৃহৎ জীৱন বীমা কোম্পানীটোৰ শ্বেয়াৰ শুকুৰবাৰে ৬% পৰ্যন্ত বৃদ্ধি পায়। বৃহস্পতিবাৰে এক্সচেঞ্জ ফাইলিঙত দেখা গৈছে যে এল আই চিয়ে বছৰৰ পিছত বছৰ ধৰি স্বতন্ত্ৰ লাভৰ হাৰ ৪৯% বৃদ্ধি পাই ৯,৪৪৪ কোটি টকা হৈছে। আনহাতে নিকা প্ৰিমিয়াম ৫% বৃদ্ধি পাই ১,১৭,০১৭ কোটি টকা হৈছে।

কোম্পানীটোৰ তৃতীয় ত্ৰৈমাসিকৰ ফলাফল অনুসৰি, নতুন ব্যৱসায়ৰ মূল্য, নিকা ভিত্তিত, ৪৬% বৃদ্ধি পাই ২,৬৩৪ কোটি টকা বনাম ১,৮০১ কোটি টকা হৈছে। ৰাজহ ৮% বৃদ্ধি পাই ২.১ লাখ কোটি টকা হয়। আনহাতে বিগত ১২ মাহত এল আই চিৰ ষ্টক ৮৬.২৬% বৃদ্ধি পাইছে।

হিন্দুস্থান সমাচাৰ/মনোজ/অৰবিন্দ


 rajesh pande