বাক্সা, ১৯ ডিচেম্বৰ (হি.স.): বাক্সাৰ আওঁহাটাত চুৰি কৰিবলৈ আহি চোৰৰ বিলাই বিপত্তি নোহোৱা হৈছে। মোবাই টাৱাৰৰ সামগ্রী চুৰি কৰিবলৈ আহি ৰাইজৰ ৰোষত পৰিল দুটাকৈ চোৰ। আওঁহাটাৰ ৰঞ্জিত কলিতা নামৰ এগৰাকী লোকৰ বাসগৃহত থকা টাৱাৰত সংঘটিত হয় এই ঘটনা।

উল্লেখযোগ্য যে আজি পুৱতি নিশা প্ৰায় ১ বজাত টাৱাৰৰ ওপৰত উঠি সামগ্রী চুৰি কৰি থকাৰ সময়তেই ৰাইজে প্ৰত্যক্ষ কৰে চোৰ দুজনক। চোৰ দুজন বৰপেটাৰ খৰিশালাৰ মফিদুল ইছলাম আৰু আছাদুল আলী। টাৱাৰৰ পৰা তললৈ নামি অহাৰ পাছতেই দুই চোৰক ৰাইজে লপা-থপা দিয়ে। ঘটনাস্থলীত আৰক্ষী উপস্থিত হৈ আটক কৰে দুই চোৰক।

উল্লেখ্য যে, দুই চোৰে পূৰ্বেও বিভিন্ন স্থানত মোবাইল টাৱাৰত চুৰি কাৰ্য চলাই আহিছিল বুলি জানিব পৰা গৈছে।

হিন্দুস্থান সমাচাৰ / কিশোৰ মিশ্ৰ